Tpalays der gheleerder ingienen, oft der constiger geesten

[fol. Diiijr]

xlix.

De spinnecoppe, heeft schoone, en proper inuentie
Dat si duer haer intentie // vangt de vlieghen
Maer si is onsterck, sonder excellentie
Om die groote horselen te bedrieghen
Die souden haer net schueren sonder lieghen
Sgelijcx de wet heeft meest macht ouer arme leden
Die rijcke moghen die boosheyt wel wieghen
Den wint is selden inder armer seyl met vreden
Men siet dat de slechte meest wort bestreden
Tis goet te mercken in elcx opset
Armoede wort ghehaet, die rijcke ghebeden
Groote vlieghen schueren der spinnecoppen net.