Tpalays der gheleerder ingienen, oft der constiger geesten

[fol. Cvir]

xxxvij.

Als de vrouwe inden spieghel haer seluen besiet
Ende de schoonheyt bespiet // haers aenschijns eersame
Moet haer oock wachten, dat si vileynicheyt vliet
Die haer schoonheyt sou moghen maken infame
Schoonheyt des lichaems, bringt menich in blame
Die haer tot onsuyuerheyt hebben ghekeert
Laet v schoonheyt sijn den Heere bequame
Dat ghi hem vet v leden eert
Alle creatueren moeten hier duer sijn gheleert
Dat si haer keeren vander luxurien sonden
Op dat v vruecht daer duer sy vermeert
Tot deser causen soo sijn de spieghels vonden