Tpalays der gheleerder ingienen, oft der constiger geesten

[fol. Cvv]

xxxvi.

Die wil te niete doen tswerelts abuys // groot
Ydelheyt, ende gruys, // soot blijckelijck // es
Hy arbeyt te vergheefs, ten is niet een cruys // noot
Hy ving beter, soot autentijckelijck // es
Den wint in een net, dit ghelijckelijck // es
Eer hi oudt abuys soude brenghen in dellinghe
Sy sijn wel sot, weert sot, oft rijckelijck // es
Die hem vordert tot sulcke opstellinghe
Het is hem seluen een groote quellinghe
Dat onmoghelijck is, te willen planten
Dwaes mach hi wel sijn in sijn rellinghe
Bot van verstande, sijn sulcke callanten