Tpalays der gheleerder ingienen, oft der constiger geesten

[fol. Biiijr]

xvij.

Die sueghe, weer balsemen, gesteenten dierbaerlijc
Men sieget claerlijc // min ist met haer geestimeert
Dan dreck oft vuylicheyt, tis openbaerlijck
Want dien wort met huer seer ghelaudeert
Een onuerstandighe botten ghecomplexioneert
En is niet achtende goede gheleerde scriftuere
Iae hi haedt gheleert volck, hi die condemneert
Inder natueren, is hi sulcx van valuere
Hi en bemint niet, dan sinen buyck telcker vre
Ghelijc tvercken den balsem acht, acht hi doctrijne
Wi hebben heden sdaechs daer afschoon figuere
Hooghe meesters comen ten ruijne.