Tpalays der gheleerder ingienen, oft der constiger geesten

[fol. Biijv]

xvi.

Hier voortijts heeftmen ghesien volder violentie
Monstren die hadden residentie // met wreet gelaet
Als Python tserpent, fel van intentie
En Gerion met drie lichamen boos, en quaet
Den hont Cerberus seer wreet inder daet
Hidra, en Ierne dangierlijck van manieren
Oock de Centauren, met alle haer zaet
Medusa niet sijnde om bestieren
Ia noch duysent ander niet om regieren
Maer noch veel wonderlijcker waert bloot // sien
Bouen alle dese afgrijsselijcke dieren
Die mocht een vrouwe sonder hoot // sien.