Geestelyck lietboeck genaemt de Basuyn

[p. 4]

Den Drucker tot den Zanger.

DE Drucker wenscht die gheen' die zinght:
Dat hem zyn hart in God ontspringt,
Dat hy daer door werde ghesticht,
En 't hart tot God heel op-ghericht,
Dat hem gheen ydel Eere leyt:
(VVelck ons van Godt den Heere scheyt,)
Maer dat hy daer in zy vermaect
Van hier naer meerder vreughde haect,
Dat hem in teghenspoet of druck,
Of andersins in ongheluck,
In onlust of swaermoedigh zijn
Magh strecken ware Medecijn,
En rechte troost: Jae droefheyts licht,
Ghelijckse daer toe zyn gedicht:
Als oock tot dien eynd' nu in druck.
Hoe meer verkost, hoe meer gheluck.

I.A. CALOM.