Spelen
(1920)–Cornelis Everaert–
Auteursrecht onbekend
[pagina 543]
| ||||||||||
aant.tSpel vanden Pays.
| ||||||||||
[pagina 544]
| ||||||||||
| ||||||||||
[pagina 545]
| ||||||||||
Ga naar margenoot+ Prologhe.Ten loue van Gode vanden throone
Ter eeren vanden payse/ als nv ghebuert
Tusschen onsen keyser ende der Vrancsche croone
Soo zyn wy nv tot vruechden bekuert.
5[regelnummer]
Den gheest die langghe/ heift ghetruert
Moet nv eensdeels/ wat verlichten.
Onsen keyser ter eeren/ edel ghenathuert
Bidden wy menich een dat zy swichten
Van lude te zyne/ maer wilt hu stichten
10[regelnummer]
Om zien om hooren./ Weist tsins ontweckers
Om wel te verstaene/ ons materye ons dichten.
Draecht zoorghe voor tverlies/ weist hu scats deckers.
Want jn vergaderynghe/ vyntmen onghetydeghe peckers.
| ||||||||||
tSpel.
Den Daghelicxschen Snaetere een wyf met azenueten.
Nyeu azenuet
sVolcx Clappage als een aerbeyder.
Ende een niet goet.
Daghel.
15[regelnummer]
Daer messegge an/ datge doet.
Ghy lachtert myn goet./ Jc en macht niet hooren.
Clappage
Beyt maect ghy hu gram?
Daghel.
Soudic my niet stooren
Dat ghy mesprys zonder bedrouf scept
Van dynghen waer of/ ghy gheen gheprouf hebt?
20[regelnummer]
Hadt ghyse gheprouft/ ghy en zoutse niet haeten.
Clappage
Wilter my dan een cortwaert laeten.
Synse goet jc sals my belouen.
Daghel.
Soo comt beneden.Ga naar margenoot+
Clappage
Comt selue bouen.
Want jc mach quaelic vander staege.
Daghel.
25[regelnummer]
Hoe es uwen naeme?
Clappage
sVolcx Clappage
Die my allomme scicke/ te lande te watere.
Maer hoe heet ghy?
Daghel.
Den Daghelicxschen Snaetere
Die alle dynck can vercombienen.
Clappage
Wy zyn juuste/ die te gaere dienen
| ||||||||||
[pagina 546]
| ||||||||||
30[regelnummer]
Den Daghelicxsche Snaetere/ ende sVolcxs Clappage.
Wy weten van als te segghene rage
Van dien van desen van ghunder van daer.
Daghel.
Van blyscepe van druck
Clappage
Van licht van zwaer
Van varre van naer/ hebben wy de wete.
Daghel.
35[regelnummer]
Eist openbaer oft jnt secrete
Wanneer wyt cryghen jnden mont
Al de weerelt/ die weetet ter stont.
Dat wy niet en weten/ wy wel helen.
Clappage
Wy en sullen niet verminderen.
Daghel.
Wy en sullen niet stelen.
40[regelnummer]
Wy zouder eer toe doen/ dander ghebraecke.
Clappage
Daghelicxsche Snaeter berecht my een saecke.
Segghen de lieden/ eenich besceets hiet
Vanden payse?Ga naar margenoot+
Daghel.
Jc en weets niet.
Der lieden segghynghe/ es menegherande.
45[regelnummer]
Eeneghe spreken vanden pays/ ander vanden bestande.
Deene seghter meer of/ ende dander min.
Clappage
Wat seghter ghy of?
Daghel.
Tvalt my wat jn
Maer niet ter herten/ alzoot wel mochte.
Clappage
Hoe zoo?
Daghel.
Om dat svolcx gedochte
50[regelnummer]
Soo wanckelbaer es/ ende variabele.
Clappage
Alle staeten van volcke/ abele ende onhabele
Hebben naer den pays langhe ghehaect.
Daghel.
Men heifter zoo dickent/ paysen ghemaect
Die lichtelic weder/ wierden ghebroken.
Clappage
55[regelnummer]
Den paeus die heifter tusschen ghesproken
Dies zy verleken zyn/ an beede de zyden.
Daghel.
Alle staeten van volcke dies verblyden.
Maer de sulcke en cander/ niet toe bekuerich wesen.
Clappage
Waer omme?
Daghel.
Datse niet sal gheduerich wesen
60[regelnummer]
Den pays vreesen zy/ meer dan een.
Clappage
Hoe dat?
Daghel.
Om datse ghemaect es tusschen hem tween
Ende gheen saecken ghestelt zyn van verbande.Ga naar margenoot+
Clappage
Die zyn al ghenoteirt binden bestande
Twelc ghedueren sal der jaeren thiene.
| ||||||||||
[pagina 547]
| ||||||||||
Daghel.
65[regelnummer]
Den keyser es vroet
Clappage
Wys van jngiene.
Jc ghelooue hem es/ wysen raet ontrent.
Daghel.
Menich meinsche es nochtans quaelic content
Die spays toeghanc/ niet en hebben verstaen.
Clappage
Men heifter een ghebodt/ of ghedaen
70[regelnummer]
Ter hallen vut saterdaghe laetsts leden.
Daghel.
Noch en zynse niet wel te vreden
Al maeckense vruecht/ bin deser bevrydynghe.
Clappage
Wye comt ons ghunder?
Daghel.
Nyeuwe Tydynghe.
Dus zonder vermydynghe/ laets duucken ende zwyghen.
75[regelnummer]
Soo sullen wy tvulle verstant ghecryghen.
Pausa
Nyeuwe Tydynghe/ een vrauwe chierlic ghehabituweirt.
Volc van allen Staeten/ Gheestelic Weerlic
Die Nyeuwe Tydynghe/ zyt begheerlic
Verthoocht hu nv/ met blyden ghesichte.
Gheift Gode lof met sanghe met dichte
80[regelnummer]
Duer de gracie naer myn belydynghe
Dien hy hu ghedaen heift.
Volc van allen Staeten een mans persoonage ghecleet half als een edel man ende half ambochsman.
Wellecomme Tydynghe
Die ons van gracien sulcke nyeumaer brynt.
Tydynghe
Volc van allen Staeten/ danst nu ende sprynt.
Maer eerst hu dwynt/ voor alle ghewerckenGa naar margenoot+
85[regelnummer]
Dat ghy doet synghen/ jn allen kercken
Te Deum laudamus/ met luder kelen.
Doet clocken luden/ ende oorghelen spelen
Ende draecht processye/ met deuoter beden.
Voucht hu tot alder/ odtmoedicheden.
Want vp den dach van heden/muecht ghy wel Gode louen
Gheestelic ende Weerlic/ een mans personage half gheestelic half weerlic gheabituweirt.
Hoe zoo?
Tydynghe
Gods gracie van bouen
Heift hu ghesonden vut shemels palays
Een groote ghifte.
Volc
Wat ghifte macht wesen?
Tydynghe
Eenen blyden pays
| ||||||||||
[pagina 548]
| ||||||||||
Jn allen landen hier vp der eerden
95[regelnummer]
Tusschen twee heeren van grooter weerden
Die nyement anders en heift cunnen maecken
Dan Godt den heere.
Gheestel.
Tsyn groote saecken
Dat de groote hitte/ der furien gloet
Nyement blusschen en conste/ hoe wys hoe vroet
100[regelnummer]
Ende nv ghecoelt es./ Godt segghicxs danck
Myn leuen lanck.
Volc
Laets bedryuen spel.
Gheestel.
Laets maecken zanck
Ten loue van Gode/ hoeghe van pryse.
Volc
Tes recht datmen hu heere bewyse
Eerweerdeghe Tydynghe/ duer dese maeren.
105[regelnummer]
Maer jc biddu/ wilt my verclaeren
Vanden toeghanck des pays/ den rechten keest.Ga naar margenoot+
Tydynghe
Byde jnspieracie vanden Heleghen Gheest
Die de herten der conynghen regiert
Die heift pays tusschen hem beeden verchiert
110[regelnummer]
Daer men of spreken sal jn eeuwegher memorye
Gheestel.
Lof
Volc
Danck
Gheestel.
Ende glorye
Sy Godt ghesproken met allen monden.
Volc
O verloren scat
Gheestel.
Dat ghy zyt vonden
Tkynt jn smoeders lichaem/ moet verblyden.
Daghel.
115[regelnummer]
Dat blyct allomme/ an allen zyden.
Men danster men sprynter/ men maecter vierynghe.
Men weet hoe de straeten doen verchierynghe
Alzoo men siet an allen canten.
Volc
O weerdeghe pays/ bouen allen dyamanten
120[regelnummer]
Wel zyt ghy pryselic jnt zude jnt noorde.
Want daer staet
Gheestel.
Pays es thende van disscoorde.
Daer pays comt/ gramscepe moet vlien.
Clappage
Men wil segghen dat spays ghescien
Ghebuerde naer dat contract vanden bestande groot
125[regelnummer]
Ghesloten was.
Tydynghe
Den pays daer vut sproot
Alzoo hu by my mach zyn verclaert.
Want als den keyser/ was vp den vaert
| ||||||||||
[pagina 549]
| ||||||||||
Om vertrecken den zin verkeerde
Dat den conync/ ons keyser gheheerde
130[regelnummer]
Met den monde wilde spreken ende zien
Twelc hem ghebuerde.Ga naar margenoot+
Volc
Vruecht wiert by dien.
Tsal menich meinsche hopic/ baeten tleuen.
Gheestel.
Pays es/ zoo der staet ghescreuen
Den bant van liefde/ ende caritaten.
135[regelnummer]
Want by pays groeyt liefde bouen maten
Soo nu ghebuert es by deser saecken.
Volc
Als de heeren elc andren spraecken
Veranderde elcx moet/ jc bems ghevroede[re].
Tydynghe
Suster met broeder/ ende broeder met broedere
140[regelnummer]
Wierden met elc andren/ gheaecoordeirt
Byder Gods gracie.
Gheestel,
Diet wel noteirt
Tes wel Gods werck/ net ghepeerelt.
Want Christus quam ons leeren vp de weerelt
Ende ghaf ons pays/ hier jnt leuen
145[regelnummer]
Soo scriftuere thuucht.
Tydynghe
Vruecht wasser bedreuen
Van heeren vrauwen/ ende onder hem beeden
Maeckende blyde chiere.
Volc
Ende jnden ghesceede
Tydynghe
Dede hem gheleede
Den Vrancxschen conync/ te dier wyle
Jn zeede te watre/ wel een myle
150[regelnummer]
Was dat niet teeckene van payse accoordich
By sulcke ghejunsticheyt?
Gheestel.
Tblyct jeghenwoordich.
Als den eenen vrient/ den andren feestiertGa naar voetnoot+
Jnt sceeden vrient/ den vrient convoyhiert
Tot binder duere/ ofte tot der straete.
Volc
155[regelnummer]
O duerluchteghe pays/ zoethueneghe raete
Die hier zoo zoete zyt/ eenen corten tyt
Hoe zoete moet ghy zyn/ ende ghebenendyt
Byder godtheyt jnde/ eeuweghe salicheyt.Ga naar margenoot+
Want elc hem verblyt
Gheestel.
Duer uwe liberaelicheyt.
160[regelnummer]
Want by hu ghewint men ruste ende wasdom
| ||||||||||
[pagina 550]
| ||||||||||
Soo men daghelicxs ziet.
Daghel.
Of nauwe een vlas crom.
Jc ghaen my dickent zoo mat zoo moe.
Ende jc legghe wel een korte of vier mytten toe.
Ten es niet al wasdom/ dat men rekent.
Volc
165[regelnummer]
Men segghet ghemeenelic.
Daghel.
De lieden sprekent.
Eist daer omme waer eer jc my beroere?
Volc
Wilt beede zwyghen/ met uwer voere.
Danct Godt vanden pays/ dien hy net ghepeerlt gheift.
Gheestel.
Verblyt al dat nu ter weerelt leift
170[regelnummer]
Sonderlynghe ghy edele/ kerstene lieden
Dat Godt almachtich/ heift laeten ghescieden
Dese accoordanche/ niet om gronderen
By zynder gracie.
Volc
Wye zoude vermonderen
De duechden die vut payse spruten?
Tydynghe
175[regelnummer]
Pays es een blomme/ vul van virtuten.
Sou beleedt proffyt/ gheestelic ende tydelic.
Volc
Pays jnde weerelt
Gheestel.
Es elcken verblydelic.
Maer oorloghe strydelic/ es zeere te gruwene.
Volc
Alle blyscepe pleicht oorloghe te verduwene.
180[regelnummer]
Ses wel te scuwene/ daerse reyngneirt.Ga naar margenoot+
Daghel.
Meneghe maecht wort ghevyoleirt
Schelycx meneghe vrauwe raedeloos moeloos.
Clappage
Menich ryck man bystier ende goeloos.
Daghel.
Oorloghe maect menich crychsknecht bloeloos
185[regelnummer]
Die den vacht jnt stryden/ moet aventhueren.
Volc
O pays blomme bouen allen flueren
Wel mach hu tallen hueren/ elckerlyc vry prysen.
Tydynghe
Pays doet allomme oorloghe voorby wysen.
Want pays met oorloghe/ en heift niet ghemeens.
Volc
190[regelnummer]
Souct pays oorloghe?
Gheestel.
By loo boeye neens.
Maer naer de oorloghe/ jn tyden van stryden
Souct oorloghe pays/ an allen zyden
Al deen paertye of dander/ wordt ghematteirt.
Volc
Mueghelic doorloghe als nu cesseirt
195[regelnummer]
Ter causen van dien. Jc laets my dyncken.
Gheestel.
Dhoochmoedeghe en laet niet gheerne zyncken
Syn corage ten doet by crachte.
| ||||||||||
[pagina 551]
| ||||||||||
Volc
Dese twee heeren/ zyn groot van machte
Van goede van scatte/ niet om verrycken.
Gheestel.
200[regelnummer]
Daer deen den andren niet/ en wil wycken
Daer moet beswycken/ pays ende eendrachticheyt.
Volc
Men zietet daghelicx.
Tydynghe
Den keyser en was noynt oorloghe begheerlic
205[regelnummer]
Vp den Vrancxschen conync tes ghebleken
Hadde den conync tjeghen den keyser/ niet ghesteken
Tonrechte twelc een groot verstranghen was.
Clappage
Dat bleeck wel/ als den conync ghevanghen was
Dat den keyser een heere es van grooter ghenaeden.
210[regelnummer]
Want doen hy de lelye hadde/ met al huer blaeden
Hy steldese weder jnt Vransche pryeel
Sonder scaede of hindere.
Daghel.
Twas groot voordeel.
Voor al tghemeene/ jnt Vransche lant.
Volc
Om oorloghe te scuwene heift hy gheplant
215[regelnummer]
Met der lelye een scoon roose zoet
Syn eyghen sustere/ vleesch ende bloet
Twelc was een saecke om pays te verstyuene.
Gheestel.
Wee hem die pays poocht te verdryuene.
Seer lettel weten zy wat zy bestaen.
Tydynghe
Den keyserlicke magesteyt/ deit thuwelic voortghaen
Om pays ghedaen/ dat was zyn meenen
Volc
Om dat den pays niet om verreenen
Eeuwich te vaster zoude hebben ghebleuen
Die daer naer ghebroken wiert.
Gheestel.
Dat heift bedreuen
225[regelnummer]
Quaeden raet/ van sconyncx zyde
Die tweluaeren/ ende voorspoet benyde
Van kerstenrycke/ by welc jammere
Pays versteken wiert.
Volc
Oorloghe quammere
Ende noch meer/ zoude hebben ghecommen
230[regelnummer]
Hadde den conync de blomme der blommenGa naar margenoot+
Leonora niet ghehadt te wyfue.
Tydynghe
Sy doet groot voordeel
Gheestel.
Tot slands verstyfue.
Tes hemlieden een goede coneghinne
Clappage
Ende gheweist heift van beghinne
| ||||||||||
[pagina 552]
| ||||||||||
235[regelnummer]
Alzoo men van huer heift hooren segghen.
Daghel.
Tes te bemoedene/ dat by huer vooren legghen
Den Vrancschen conync/ hem heift ghevoucht
Tot pays ende accoort.
Volc
Den zin my oock wroucht
Datser toe ghedaen heift huer diligencie
240[regelnummer]
Ende daertoe oock versocht heift assistencie
Anden paeus onsen heleghen vadere.
Gheestel.
O duechdelicke vrauwe
Volc
O vloeyende adere
Wel slacht ghy den duechdelicken tronck
Van uwe voorders
Tydinghe
Hout ende jonck
245[regelnummer]
Die oynt anders dan pays/ ende eere sochten.
Gheestel.
Der vrauwen vriendelicheyt/ can de gedochten
Des mans doen veranderen/ tot goede of quaede
So ghy ghedaen hebt.
Volc
By wysen raede
Slacht ghy Abygael dien Dauidt verbat
250[regelnummer]
Huer smans furye.Ga naar margenoot+
Gheestel.
O duechdelic vat
Schelycx hebt ghy uwen man ende broeder verbeden
Om oorloghe te scuwene ende payselicke vreden
Hebt ghy jn kerstenrycke ghehint vele.
Daghel.
Men segt de nachscraye/ verwint vele.
255[regelnummer]
Oock zoude den conync zyn van cleender trauwe
Soude hy zyn wyf/ sulc een vrauwe
Ghecommen zynde van zoo edelen bloede
Huer begheerte ontsegghen.
Tydynghe
Hy dede als donvroede.
Want mueghelic de vrauwe/ van grooter weerden
260[regelnummer]
Pays begheerrende/ hier vp der eerden
Heifter dickent omme/ ghebeden Godt.
Volc
Nyement en vermacht anders.
Gheestel.
Daer seght ghy tslodt.
Want de goddelicke/ handt ghebenendyt
Regiert der conynghen herten
Tydynghe
Somtyts tot proffyt ofte onproffyt
265[regelnummer]
Naer tleuen van hemlieden/ ende huer ondersaten.
Gheestelic Weerlic Volc van allen Staeten
Soo ghy hu regiert/ jn sleuens ghedueren
Tsy duechdich of sondich/ zal hu ghebueren
| ||||||||||
[pagina 553]
| ||||||||||
Weluaert of jeghenspoet/ van Godt den heere.
Clappage
270[regelnummer]
Volc van allen Staeten doolt nu zeere.
Gheestelic ende Weerlic zyn vul ghebreken.
Volc
En wilt hu thee/ an ons niet steken
sVolcx Clappage/ ziet eerst vp hu seluen.
Daghel.
Met quaede spaeden moet men hem deluen
275[regelnummer]
Die hem seluen wil lachteren of mesprysen.Ga naar margenoot+
Gheestel.
Daghelicxschen Snaetere/ ghaet henen bysen.
Vercoopt hu nueten achter de straeten.
Siet om proffyt zoo macht hu baeten.
Hefge van hier/ ghaet vander stage.
Volc
280[regelnummer]
Ende ghy oock sVolcx Clappage
Die de fiente riect/ eerse ghetoort es
By wiens clappynghe sulcx herte ghestoort es
Niet ansiende wat ghy seght lude of stille.
Gheestel.
Hefge vander stage.
Volc
Tes onsen wille.
285[regelnummer]
Maectge duere. Wilt van ons vlien
Clappage
Die de waerheyt seght/ en es nyeuwers ghesien
Jnt bachuus jnt brauhuus/ noch jnde keldere.
Maeckic my van hier zoo ghae jc eldere.
Pausa.
Tydynghe
Volc van allen Staeten/ Weerlic Gheestelic
290[regelnummer]
Bedanct nv Gode/ met loue feestelic
Die hu ghegheuen heift jn sweerels pleyn
De ghifte van payse.
Volc
Wy sullen serteyn.
Maer edele vrauwelic greyn/ seght ons de waerachticheyt
Wat bediet pays?
Tydynghe
Accoort dats eendrachticheyt.
295[regelnummer]
Want jn teeken van payse/ maecte Godt alle dieren
Mannekins met wyfuekins van alle mannieren
Om dat zy hem payselic/ zouden tsaemen draeghen.
Gheestel.
Godt sciep den meinsche alleene/ naer zyn behaeghen
Naer zyn ghelycke/ naer zyn fyguere.
300[regelnummer]
Naer dien maecthy/ de vrauwelicke creathuere
Om dat den man/ ende de vrauwe jn accoorde
Payselic leuen zouden.Ga naar margenoot+
Tydynghe
By Christus woorde
Tbehaghelicxste/ dat hem es jn sleuens ghestichte
Dats pays die ons brynght/ ten hemelschen lichte.
305[regelnummer]
Pays jnder eeuwicheyt/ en es nyement vervelich.
| ||||||||||
[pagina 554]
| ||||||||||
Volc
Al was Dauidt goet/ ende helich
Om dat hy van oorloghe was een voorvechtere
Soo en mocht hy Gods tempel/ niet zyn een rechtere.
Want et hadde gheweist moeyte verloren.
Gheestel.
310[regelnummer]
Godt hadde Salemon/ daer toe vercoren
Die jn zynen tyt den payselicken conync hiet.
Want Godt en wilde niet/ tes zoo ghesciet
Dat den dienst der sacreficien hem danckelic was
Dan jnden tempel van payse.
Tydynghe
Godt beminde doe/ ende vp dit pas
315[regelnummer]
Alle payselicke herten/ daer heift hy lusten jn
Volc
Tbleeck an Maria/ daer hy wilde rusten jn.
Ende alshy gheboren wiert/ vp dien tyt
Songhen dhynghelen pays/ der weerelt wytGa naar voetnoot+
Pays es glorye/ binnen shemels stede.
Gheestel.
320[regelnummer]
Christus beual zyn appostelen/ pays ende vrede.
Tydynghe
Christus preicte zyn appostelen pays.
Volc
Christus sprack jn testamente wat frays
Jc gheue hu mynen pays/ ende jc laetse hu mede.
Gheestel.
Naer zyn verryssen bootscapthy/ pays en vrede
325[regelnummer]
Syn appostelen ende al zyn vrienden ghemeene.
Tydynghe
Pays behooren zy te souckene groot ende cleene
Die eerst gheweist hebben/ groote vyanden.
Wiens parthien/ machtegher zyn voorhande
Dan zy/ behooren pays te souckene lichtich.Ga naar margenoot+
Volc
330[regelnummer]
De Agaobonytten/ eendrachtich ghestichtich
Hoorende dat Josue met een eerre crachtich
Hem capiteyn maecte/ wesende machtich
Quaemen te Jerico jnder mannieren dus
Om pays te maeckene.
Gheestel.
Den conync Demetrius
335[regelnummer]
Sant an Jonathan/ minsaemeghe brieuen
Om pays te hebbenne.
Tydynghe
Duer thongherich grieuen
Sant Dauidt an Nabal/ met salutacie
Zyn knechten vut noode tsynder habitacie
Segghende pays/ zy myn broeder ende hu
340[regelnummer]
Ende hu huus/ mids al ter tyt van nu
Dat hu behoort zy pays toe gheleyt.
Maer Dauids begheerte
| ||||||||||
[pagina 555]
| ||||||||||
Volc
Heift Nabal ontseyt
Twelc Dauidt wiert/ gheseyt/ by zyn dienaers beede
Gheestel.
Dies Dauidt zwoer met dieren eede
345[regelnummer]
Dat hy Nabal met alden zynen
Brynghen zoude gheheel/ te ruwynen
Twelc hy zoude vulbrocht hebben/ met moede fel
Hadt niet belet
Tydynghe
Die duechdelicke Abygael
Vernemende dat Dauidt/ was ghestoort
350[regelnummer]
Heift vitaelge doen laeden rechtevoort
Ende es ghereyst Dauidt te ghemoete
Volc
Vallende odtmoedich voor Dauids voeten
Ouer beede huer knyen/ ende huer familye mede
Verbiddende Dauidt met smeeckender bede
355[regelnummer]
Dat hy zyn furye wilde laeten syncken
Hem brynghende vitaelge/ om heten ende drynckenGa naar margenoot+
Soo wy fyguerlic hu sullen thooghen.
Hier thoochmen Nabal sittende jn eenen stoel/ ende Dauidt commende met dyueerssche mannen jnt arnasch ontrent hem scynende gram wesende/ ende een vrauwe aerdich toe ghemaect als een landsvrauwe gheheeten Abygael knyelende voor Dauidt met jon[c]wyfs ende cnaepen ontrent huer met kemels ende mulen ghelaeden met spyse twelc zy Dauidt presenteirt waer by dat Dauids furye verghync ende hem te vreden stelde.
Gheestel.
Dits ter comparacie/ des pays voor ooghen.
Want zoo Abygael/ Dauids gramscip gheslaect heift
360[regelnummer]
Schelycx Leonora/ den pays ghemaect heift
Tusschen hueren man/ ende hueren broedere
By huerer duecht.
Tydynghe
Lof zy onsen behoedere
Die de herten der conynghen/ heift ghejnspiereirt
Dat hyse beede heift ghecontenteirt.
365[regelnummer]
Ghebenendyt zy Gode van eeuwen theeuwen.
Volc
Nu sal saerns macht met de cracht der leeuwen
Te meer ontsien worden varre ende by.Ga naar voetnoot+
Gheestel.
Ende tpryeel der lelyen/ te stercker vry
Duer dit accoort van payse ryckelic
370[regelnummer]
Dat nv ghebuert es.Ga naar voetnoot+
| ||||||||||
[pagina 556]
| ||||||||||
Tydynghe
Dat wort baerblyckelic.
De Turcken sullen/ noch hopic duchten.
Volc
Sy sullen noch huer vyanden doen vluchten
Hopic eer lanck jn sdrucxs verzeeren
By huerlieder macht.
Gheestel.
Godt gheifts ons gracie.Ga naar margenoot+
Tydynghe
Eerweerdeghe heeren
375[regelnummer]
Neimpt danckelic dit werck/ met haesten ghedaen.
Volc
Esser hyet messeyt willet jnt beste keren.
Gheestel.
Dat bidden wy hu eerweerdeghe heeren.
Tydynghe
Den factuer stelt hy comt om leeren.
Dus willet jnde beste voude slaen.
Volc
380[regelnummer]
Eerweerdeghe heeren
Neimpt danckelic dit werck vut jonsten ghedaen.
Gheestel.
Godt laete den pays gheduerich staen
Tusschen dese twee heeren/ vp de weerelt de meeste
Duer gracie vanden/ Heleghen Gheeste
385[regelnummer]
Jn wiens blynckende raysels ongheswicht fyn
De heleghe Drye Santinnen/ eeuwich ghesticht zyn.
†A†M†E†N† |
|