Spelen
(1920)–Cornelis Everaert–
Auteursrecht onbekend
[pagina 421]
| ||||||||
aant.Een spel vanden nyeuwen priestere. | ||||||||
[pagina 422]
| ||||||||
| ||||||||
[pagina 423]
| ||||||||
Ga naar margenoot+ Twyffelic Zin een zot met eender marote.
Noynt zo verkeerelt.
Waeromme Marote?/ Jc zye dat de weerelt
Verkeert ghaet van vooren tot achtere.
Dat hier voortyts was/ scande ende lachtere
5[regelnummer]
Dat scynt nv zynde/ eere ende proffyt.
Wat et my anghaet?/ Tjan dat my spyt
Dat men nv ter tyt/ de sulcke zeere groet
Die niet weert en zyn/ dat mense eere doet.
Ende andre wesende/ vulder excellencie
10[regelnummer]
En doet men nauwe/ eens reuerencie
Waer datse commen/ by man of vrauwe.
Salt ghebetert worden?/ Dat salt goe Lauwe.
De beterynghe neimpt noch/ een sober beghin.
Hoe dat jc heete?/ Tjan Twyffelic Zin.
15[regelnummer]
Waer omme vraecht ghy dat/ au ghy dooue?
Marote hoe heet ghy?/ Cranc Ghelooue?
Hoe mochtet bet wesen/ naer den aert
Dan Twyffelic Zin/ met Cranc Ghelooue ghepaert
Beede wyde vermaert/ de weerelt duere?
Jnwendeghe Redene een vrauwe eerlic ende chierlic ghecleet.
20[regelnummer]
Hoe staet ghy en raest/ au ghy luere?
Te deser huere/ neimpt hu vertrec.
Twyff.
Waer omme?
Jnwend.
Gheen ghebrec
En heift men hu praesen/ te deser spacie.
Want tes hier een feeste vul jubelacie
25[regelnummer]
Daer hynghelen ende meinschen/ jnne verblyden.
Twyff.
Marote bidt seght zonder vermyden
Om den Twyffelicken Zin te stellen jn vreden
Wat feeste eist?
Jnwend.
Vp den dach van hedenGa naar margenoot+
Heift een Gods rudder/ met celebricie
30[regelnummer]
Gode ghedaen een nyeuwe sacreficie
Wyens diensteghe condicie/ den hynghelen passeirt.
Twyff.
Wye weet oft zoo es/ als ghyse exalteirt?
Maer men seght ghemeenelic/ jn sweerels stof
So wye gheraect jnder vrauwen lof
35[regelnummer]
Hy wort verheuen/ al waert een quant grof.
| ||||||||
[pagina 424]
| ||||||||
Jnwend.
Twyffelic Zin/ ghy en hebter gheen verstant of.
De weerdicheyt/ vanden rudde[r]licken staet
Des priesters/ jn excellencien ghaet
Jn hoocheden/ alle staeten te bouen
40[regelnummer]
Die jnde weerelt zyn.
Twyff.
Ghy muechse wel louen.
Wye zoudge verbieden/ jc hebbes wondere?
Maer Marote wilde/ wel weten bysondere
Naer dat gy de weerdicheyt/ zo hooghe pryst
Vanden priesters/ ons met bethooghe wyst
45[regelnummer]
Van wyen hemlieden/ dexcellencie crachtich
Es ghegheuen.
Jnwend.
Van Godt almachtich
Alst blyct by thoude/ ende tnyeuwe testament
De welcke beede/ hier commen present
Om hu te thooghene de declaracie.
tHoude Testament/ als een doctuer vander houder wet.
50[regelnummer]
Wat es hulieder/ arguwacie?
Tscynt of ghy tot questien droucht affexcien.
Wat machse wesen?
Jnwend.
Ter corexcie.
Twyffelic Zin met Ghelooue CrancGa naar margenoot+
Wiste gheerne jn dit bevanc
55[regelnummer]
Hoet comt waer men/ ghaet of keert
Dat den prieste[r]licken staet/ wort gheheert
Bouen alle staeten die jnde weerelt zyn.
tNyeuwe Testament/ als een doctuer vander nyeuwer wet.
Den prieste[r]licken staet/ net ghepeerelt fyn
Es van Gode ghegheuen/ sulc een weerde
60[regelnummer]
Datter gheen staet en es/ vp der eerde
Die den almuechghende Godt/ es zo bequaeme.
Twyff.
Ghy prysse zo zeere/ dat jcx my scaeme.
Maer gheerne vernaeme/ Marote ende jcke
Of den priesterlicken staet/ by Gods bescicke
65[regelnummer]
Heift gheweist/ alzoo excellent
Jnt houde alsse es jnt nyeuwe testament.
Berecht ons datte/ met woorden claer
Ghelyc als nv.
Jnwend.
Al varre van daer.
Et scilt als dach ende nacht/ jn ghelyckenesse.
| ||||||||
[pagina 425]
| ||||||||
70[regelnummer]
Den priesterlicken staet moet nemen wyckenesse
Der nathuere scriftuere/ van excellencien
Byden priesterlicken staet/ vulder reuerencien
Van nv die Christus/ der gracien vloet
Selue ghesalft heift/ jn zyn precieus bloet
75[regelnummer]
Om ons alder behoet/ ter sielen baete voort.
Nyeuwe
Dexcellencie vanden/ priesterlicken staete hoort
Des houds testaments/ en es jnt belyden niet
Byde excellencie die/ als nv ten tyden ziet
Den priesterlicken staet/ verchierende verryckende es
80[regelnummer]
Twelc jn comperacien/ alleens ghelyckende es
So men de leuende antrect/ ende scuut de doode.
Twyff.
Jc ghelooue dat ghy spreict/ metten broodeGa naar margenoot+
Om dat hier veil priesters/ zyn gheseten.
Marote bidt laet huer/ doch weten
85[regelnummer]
Wye deerste priestere/ heift gheweist
Hier vp de weerelt.
Houde
So men leist
Was Melchisedech deerste/ naer Genesis verclaerichede
Die broodt wyn/ offerde jn dancbaerichede
Om dat Abraham hadde/ vercreghen victorye.
90[regelnummer]
Den tweesten priester/ van helegher memorye
Was Aaron/ duer tgoddelic beuel
Deerste vut tgheslachte/ van Ysrael
Wiens excellencie Melchisedech/ te bouen ghync.
Mids dat hy/ zyn priesterscip ontfync
95[regelnummer]
Vut de goddelicke wille/ diet zo gheboot
Wiert hy ghehelicht.
Jnwend.
Al was zeer groot
Dexcellencie van Melchisedech/ ende Aaron om louen
Verre ghaet/ dexcellencie te bouen
Vanden priesters nv/ jnden tyt present
Nyeuwe
100[regelnummer]
Ghelyc dat de zunne/ andt firmament
Jn excellencie van claerheyt/ delementen passeirt.
Twyff.
Jc hoore wel alzoot ghyt stoffeirt
Ghy zyt een fletsere/ te deser spacie.
Marote vraecht/ wye jnde wet van gracie
105[regelnummer]
Deerste priester was/ om ons proffyt.
Berecht huer datte.
Houde
Christus selue ghebenendyt
Wyens excellencie/ bouen alle excellencien meerst.
Want hy Godt meinsche/ ende priester eerst
| ||||||||
[pagina 426]
| ||||||||
Deerste offrande/ voor ons vp deerde
110[regelnummer]
Met zyn lichaeme dede/ hoochst van weerde.Ga naar margenoot+
Noynt offrande/ Godt den vader/ bet bequam.
Jnwend.
Godt den vader ons/ jn gracien nam
Ende wiert met ontfaermen/ tonswaert ghehelt
Duer Christus sacreficie.
Nyeuwe
Tpriesterscip es jnghestelt
115[regelnummer]
By Christus selue/ ten avenmaele.
Naer dat hy zyn appostelen/ jnt generaele
De voeten ghezuuert hadde/ ende ghedweghen
Ende van alle/ sondeghe smitte ontsleghen
So heift hyze ghehelicht/ ende ghewyt
120[regelnummer]
Met zyn eyghen lichaeme/ ghebenendyt
Jn testamente/ als een bescynckenesse
Gheconsenteirt/ jn eeuwegher ghedynckenesse
Hem te consacreirne/ jn allen stonden
Als waerachteghe priesters.
Twyff.
Waer staet bevonden
125[regelnummer]
Vraecht Marote/ by eenegher scriftuere
Dat Christus/ zyn appostelen/ te dier huere
Saluynghe dede/ cleen ofte groot
Naer de priesterlicke oordene?
Houde
O zin besnoot
Met cranc ghelooue/ twyffelic van erruere.
130[regelnummer]
Christus Godt ende meinsche puere
Dhelichste der heleghen/ van persoone
Regent ende conync/ des shemels troone
Voor wyen alle knyen moeten bughen
Hemelsche/ eerdsche/ helsche/ naer Pauwelus thughen
135[regelnummer]
Dynct hu niet/ dat hyse helich heift ghemaect
Als hyze met zyn precieuse/ handen heift ghenaect
Ende met zynen precieuse monde ghecust.Ga naar margenoot+
Nyeuwe
De goddelicke cracht es vp hemlieden gherust.
Want Godt duer zyns crachts woordt beuel
140[regelnummer]
So wiert hemel ende eerde ghescepen snel.
Schelycx heift hyse/ ten avenmaele gheleert
Dat wyn/ broodt/ zullen worden verkeert
Duer de cracht zyns woords tallen termyne
Jnde specie zyns helichs lichaeme dyvyne
145[regelnummer]
Vulmaect ghelyc hem/ Maria ontfync.
Jnwend.
Wat scoonder misterye.
Houde
O wonderlic dync
| ||||||||
[pagina 427]
| ||||||||
Secreit bouen allen/ secreten verholen.
Nyeuwe
Christus heift zyn/ appostelen beuolen
Ten avenmaele/ als conync der glorie
150[regelnummer]
Segghende/ doetet/ jn mynder memorie.
Dit belasty seght Lucas zyn appostelen al.
Jnwend.
Wat grooter ghifte.
Houde
Jnt eerdsche dal
Edelheyt ende weerdicheyt/ seght sinte Beernaert
Heift Godt o priester/ voor hu bewaert.
155[regelnummer]
Want uwe weerdicheyt/ net ghepeerelt fyn
Passeirt alle weerdicheden/ die vp de weerelt zyn
Jae dhynghelicke weerde groot van valuere.
Nyeuwe
Christus en wilde niet/ dhynghelicke nathuere
An nemen om onsen commer/ te stelpeneGa naar voetnoot+
160[regelnummer]
Maer de nathuere/ om ons te helpene
Vanden meinsche/ daer hy of gheboren wiert.
Houde
Den priesterlicken staet van hem vercoren wiertGa naar margenoot+
Bouen der hynghelen staet/ jnt hemelsche pleyn.
Nyeuwe
Want jnt hooghe officie van weerden reyn
165[regelnummer]
Byde consecracie/ dat elc priester doet
Wordt Christus lichaeme/ vleesch ende bloet
De specie veranderende/ van wyn ende broot.
Noynt excellenter.
Jnwend.
Noynt gheen zo groot.
Et passeirt allen verstanden redelic
170[regelnummer]
Dat elc priester tusschen zyn handen edelic
Godt ende meinsche/ bloet ende vleesch
Consacreren mach/ naer zynen heesch.
Tes recht dat hem elc/ eere toe bughe.
Houde
Tes ons ghelooue.
Nyeuwe
Jc bems ghethughe.
175[regelnummer]
Want ten avenmaele/ ghaf Christus de macht.
Jnwend.
O wonde[r]lic wondere.
Houde
O goddelicke cracht
Te vullen ongrondelic/ voor leeck of clerc.
Twyff.
Wat zo seck zo/ daer ghaetet jnt werck.
Noynt en hoordic zo sterck/ de priesters verheffen.
180[regelnummer]
Marote seght/ zen can niet beseffen
Naer datse hoort an hu lieder rellen
Ghy en wiltse waense/ bouen Godt stellen
| ||||||||
[pagina 428]
| ||||||||
Als Lucifer met zyn ghesellen/ hem wilde vermeten.
Jnwend.
O diepe verholentheyt.Ga naar margenoot+
Houde
O wonderlicke secreten.
185[regelnummer]
Ghy die resideirt/ jnt hoochste der hemele
Dat ghy hu verneirt/ jn een ooghenblic scemele
Hier te commene/ tzyn wonderlicke sticken
Tusschen spriesters handen.
Nyeuwe
Tdoet dhynghelen verwonderen
Houde
Ende delle verscricken
Nyeuwe
Den vyant vluchten.
Jnwend.
Wye zoude ghewicken
190[regelnummer]
Dexcellencie vanden/ priesters/ jnt leuen hiet?
Noynt creathuere/ en was ghegheuen ziet
Su[l]cke preuilege/ ofte macht jc meens.
Houde
Maria en ontfync noynt meer dan eens
Den leuende Gods zuene/ jn hueren lichaeme.
Nyeuwe
195[regelnummer]
Maer een priester/ mids de woorden eersaeme
Vande goddelicke wille/ vulmaect en recht
Alshy de woorden/ der consecracien secht
Christus hy vut den hemele straelt.
Houde
So hy duer twoort van Maria/ heift ghedaelt
200[regelnummer]
So daelt hy duer/ spriesters woordt reyn van motyfue.
Jnwend.
Maria sprac vyf woorden
Houde
Den priester doet Godt dalen zonder eeneghen ghescille
Onder wyn ende broot/ jnvysible.
Twyff.
205[regelnummer]
Wye zoudt gronderen?
Jnwend.
Twaere jnpossible.
Ons zinnen zyn/ te ruut te plat.
Nyeuwe
Noynt en hebben sulcke preuilege ghehat
Dhynghelicke nathuere/ vanden throone
Te wesene zo weerdich nut ende ydoone
210[regelnummer]
Dat zy mochten gheraecken/ ter gracien van desen.
Houde
Sy zyn den priesters/ als dienders bewesen
Wanneer datse staen jn huerlieder officie
Ende Gods lichaeme/ offeren jn sacreficie.
Sonder twyffelen/ ze zyn den outaer ontrent
215[regelnummer]
Seght Ambrosius.
Jnwend.
Gheen keyser hoe excellent
Conync herthoghe/ hoe hooghe gheacht
Die vp deerde ghegheuen es sulcke macht
| ||||||||
[pagina 429]
| ||||||||
Gods lichaeme ghebenendyt/ te consacreirne
Dan alleene den priester/ naer den ordoneirne
220[regelnummer]
Van Godt diet ooc andre/ gheuen mueghen
So sint Thomaes thuucht.
Nyeuwe
Wilt hu verblyden.
Houde
Wilt hu verhueghen
O priester Gods/ duer dese excellencie.
Houde
225[regelnummer]
Jnden bouck de[r] kerckelicke leerynghe
Onder den hemel seght sint Augustyn
Omde hemelsche/ sacramenten divyn
Gheen weerdegher/ om handelen dit noteirt
Dan den priester/ jn Christus gheconsacreirt.
230[regelnummer]
Wee hem diese bespotten/ zottinnen en zots.Ga naar voetnoot+
Nyeuwe
Sint Augustyn seght/ o priester Gods
Wilt ghy hu hoocheyt/ contempleren
De hoocheyt der hemelen/ moet ghy passeren.
Wilt ghy ondersoucken dexcellencie scoonheyt
235[regelnummer]
Van zunne maene/ uwe persoonheyt
Es veil scoonder/ ende van excellenter specie.
Houde
Vraecht ghy naer/ der hynghelen disscrecie
Huwe disscrecie moet jn weerden vermeeren.
Jnwend.
Merct ghy vp de macht van tydelicke heeren
240[regelnummer]
Godt hu jn mueghentheyt/ meerder begrepen heift.
Nyeuwe
Ghy en zyt maer minder dan die hu ghescepen heift.
Hoe zout ghy mueghen dan ghestelt zyn
In meerder excellencien?
Twyff.
Ten zal gheen ghelt zyn.
Ghy sulter of hebben/ comt als ghy wilt.
245[regelnummer]
Swycht ende van hu berommen stilt.
Ofse zo excellent zyn/ als ghy zyt vermondelic
Hoe commet datse leuen/ dus sondelic?
Verandwoordt dat met taelen hoosch.Ga naar margenoot+
Houde
Tzyn meinschen/ als andre/ crane ende broosch.
250[regelnummer]
Ende al leuen zy sondich/ thuerlieder hinder ziet
Huerlieder excellencie/ en es te minder niet.
Wee cleen ende groet/ dier de thee an steict.
Nyeuwe
Beter waere den mondt/ toe ghepeict
| ||||||||
[pagina 430]
| ||||||||
Van dese blasfamatuers/ zottinnen en zotten
255[regelnummer]
Die metten priesters ghecken of spotten.
Sy en zyn niet weert/ de eerde te cussene
Daer een priester ghaet.
Jnwend.
Pynt van dien te sussene.
Sy en zyn onder nyemendt/ dan Gods begryppen.
Twyff.
Kip jc hebge/ daer zoudet nyppen.
260[regelnummer]
Soudemen vermaenen/ huerlieder ghebrekenGa naar voetnoot+
Tes sus/ ghy en muechter/ niet of spreken
Al zietmense leeden/ een leuen confuus.
Se houden daghelicx/ met vrauwen huus
Oft ghehuwede lieden waren/ als wyf of man.
265[regelnummer]
Soudict al segghen?/ Marote jc en can.
Jc zoude moeten/ huerlieder ravot smaecken
Somtyds droncke dryncken/ ende dan den zot maecken
In plaetsen bekent ofte onbekent ziet.
Waerense zo ghy seght/ zo excellent hiet
270[regelnummer]
Sy zouden payseuelic/ als andre mannen ghaen.
Jnwend.
Den boghe en mach niet/ altyts ghespannen staen.
Al zynder eeneghe/ die buten heessche
Ongheregelt leuen naerden vleessche
Ghy en zultse niet versmaeden./ Godt heuet verboden.
Nyeuwe
275[regelnummer]
Godt heiftse lief.Ga naar margenoot+
Houde
Hy naemse goden
So Exodi twee ende twyntich staet
Jnde wet ghebiedende/ ghy en sult geen quaet
Van myn goden segghen/ sprac Godt den heere.
Jnwend.
Sen zyn nyemendt subgect.
Houde
Maer tallen keere
280[regelnummer]
Moeten wy ons thueren dienste bughen.
Twyff.
Jc weeter die subgect zyn/ jc salt bethughen
Ende die als cnechten/ naer den aert ghissen
Vercnaepende mans/ die duer den baert pissen
Hem maeckende als faylgevouders bekent.
285[regelnummer]
Thoochghense niet huer weerde excellent
Die gy zyt prysende zo weerdich zo reene?Ga naar voetnoot+
Jnwend.
Tes te vylein.
Nyeuwe
Tes te cleene
Een priester die zyn weerde/ dus veracht.
| ||||||||
[pagina 431]
| ||||||||
Houde
Scaemt hu/ ghy steruelicke dracht
290[regelnummer]
Dat den priester/ die bouen alle staeten staet
Daghelicx voor hu/ achter straeten ghaet
Hem achtende als hu scuulget/ snoode gheeerdich.
Jnwend.
Ten behoort niet te zyne.
Nyeuwe
Ghy en zyts niet weerdich
Al waert ghy haluelynghe een coneghinne.
Jnwend.
295[regelnummer]
Hierby comt dat twyffelynghe van zinneGa naar margenoot+
Met crancken ghelooue/ daghelicx speilt
Dies den priesterlicken staet/ ten dient gheheilt
Daghelicx veil/ reuerencien faylgiert.
Houde
Alexander de groote/ heift gheobediert
300[regelnummer]
Den priesterlicken staet/ ziende voor hem
Den vpperpriester/ van Jherusalem
Die voor zyn voorhooft/ jn een plate van goude
Den naeme Gods drouch.
Nyeuwe
Alzo houde
En heift Alexander/ den priester ghesien
305[regelnummer]
Hy en es ghevallen/ vp zyne knyen
Den naeme Gods/ heift hy gheadoreirt
Ende den priester gheheert.
Houde
Den vyant ghefygureirt
Jn meinschens ghedaene/ vp straete staende
Daer sinte Remigius/ voor hem was ghaende
310[regelnummer]
Met thelich sacrament/ heift hem plat ghevelt.
Maer jnt weder keeren/ heift hy hem ghestelt
Vp zyn een knye/ twelc Remigius sach
Nyeuwe
Die den vyant vraechde/ zonder verdrach
De waeromme hy plats te streckene bedeech
315[regelnummer]
Ende jn zyn wederkeeren/ maer en neech
Vp zyn een knye/ wat hem ghebrac.
Jnwend.
Maer wat andwoorde?
Houde
Den vyant sprac
Doen ghy hier leidt/ ter tyt voor nu
Doen had ghy Godt/ ende meinsche met huGa naar margenoot+
320[regelnummer]
Dien jc by crachte moet doen omage.
Ende nu zo eeric/ uwes personage
Om dat ghy/ Gods priester zyt excellent.
Jnwend.
Menich priester/ zeer lettele kent
De eereweerdicheyt/ excellencie ende prys
325[regelnummer]
Die hem Godt gheift.
Twyff.
Waeren zy wys
| ||||||||
[pagina 432]
| ||||||||
Sy en lieten hem niet/ zo lichte verneren.
Maer dongheregheltheyt/ dat de sulcke vseren
Doetse blaemeren/ jn elcx saysoen.
Houde
Constantinus seght/ al wilde mesdoen
330[regelnummer]
Een priester eeneghe sonde openbaer
Ende jct zaghe met myn ooghen claer
Jc zoude tzynder eeren/ myn mantel vut trecken
Ende hem veil lieuer daer mede decken
Dant hyement zaghe/ binden eerdsche wiele.
Nyeuwe
335[regelnummer]
Tsyn de bewaerders/ van smeinschens siele
Die svyants stoutheyt/ doen verblooten.
Jnwend.
Tzyn Gods lieuers.
Houde
Tsyn Gods ghenooten.
Ter weerelt naest Godt/ geen excellenter.
Twyff.
Gheen weerdegher
Jnwend.
Gheen helegherGa naar margenoot+
Nyeuwe
Noch gheen jenter
340[regelnummer]
Duer tofficie/ dat zy vercheynsen
Den almuechghende Godt.
Houde
Wilt hiervp peynsen
Eerweerdich prie[s]ter/ naer onsen verhale
Dat ghy gheworden zyt vanden ghetale
Der excellenten/ als een eerden vat
Nyeuwe
345[regelnummer]
Jn wyen dat nu rust/ dien weerden scat
Godt ende meinsche/ van Maria gheboren
Die hu tot dien state/ heift vercoren.
Hoe zoude hu/ mueghen hebben ghesciet
Excellenter weerdicheyt?
Jnwend.
Ghelyc dat men ziet
350[regelnummer]
Een apotecaris hebben/ jn zyn bewelt
Dyveerssche eerden vaten/ waer jn ghestelt
Syn alderande conseruen/ der medecyne
Deen weerdegher dan dandre
Twyff.
Maer van myne
Heuen broosch/ ende lichte om breken
Houde
355[regelnummer]
Wy zyn al eerde vaeten gheleken
Hier ghestelt jn sweerels regnacie
Deen meer dan dandere/ verchiert met gracie
Maer heuen broosch om breken om steruen.
Nyeuwe
En laet hu vat breken noch bederuen
360[regelnummer]
Twelc es hu lichaeme/ by eeneghe sonden.
Jnwend.
Peynst ghy moet steruen/ jn toecommende stonden.Ga naar margenoot+
| ||||||||
[pagina 433]
| ||||||||
Doet duecht zo sult ghy voor Gode blyncken.
Houde
Vp dat ghyt te bet/ zout mueghen ghedyncken
So willic hu bescyncken/ onghelet
365[regelnummer]
Met dit eerden vaetkin/ jent ende net
Verchiert met blomkens/ zoet ende bequaeme
Jn teeken dat ghy tvat/ van uwen lichaeme
Twelc broosch cranc es/ licht jnt faelgieren
Met alderande duechden/ sult verchieren
370[regelnummer]
Ende hu regieren/ naer spriesters reghele.
Nyeuwe
Ontfaet van my/ jn dancke dien speghele
Jn teeken dat elc priester/ onder shemels wolcke
Behoort te leuene/ dat hy den volcke
Een speghel zy om duechdelic te leuene.
Twyff.
375[regelnummer]
Jae maer meest om quaet exempel te gheuene.
Jc moet al segghen of jc zoude splytten.
Jnwend.
Swycht ghy zot met hu verwytten.
Wat heiftmen te doene met uwen snappene?
Twyff.
Sotten pleghen gheerne/ de waerheyt te clappene.
380[regelnummer]
Al acht ghy my voor een simpel loeten
Se zyn vul ghebrecx van hoofde ten voeten.
Dit mach mercken/ heere vrauwe ende knecht.
Houde
Leuitici/ een ende twyntich seght
Gheen mans zaet/ vut tghesla[ch]te van Leuy
385[regelnummer]
En mochte ten priesterlicken staet commen vry
Die ouer hem hadde/ eenich lichaemich ghebrec
Vut vreesen of hem/ onbequaemich beghecGa naar margenoot+
Ter causen van dien/ hadde mueghen ghescieden
Byden welcken hueren dienst/ voorde lieden
390[regelnummer]
Hadde mueghen versteken/ ende versmaet zyn.
Nyeuwe
Sy moesten eerbaer/ jn hueren staet zyn.
Want eer zy hem mochten/ ter sacreficie vitten
Sy moesten hem zuueren/ van alle smitten.
Godt hadde Moyses/ beuolen dat.
Houde
395[regelnummer]
Moyses dede jnde tempel/ stellen een vat
Met watre/ ooc moester wesen by
Dyveerssche speghelen/ vp dat zy
Syen zouden om of te dwaene
Slichaems onreynicheyt/ om te ghaene
400[regelnummer]
Jnt officie/ van hueren dienste.
Jnwend.
Berecht my vrienden/ als de ghevrienste
Wat eenen priester te doene behoort
Voor zyn officie.
| ||||||||
[pagina 434]
| ||||||||
Nyeuwe
Als Godt es ghestoort
Vp den volcke/ zonder veil delays
405[regelnummer]
Als middelare an Godt/ te vercryghene pays
Deur de cracht van zynder bedynghe
Houde
So Christus dede/ ons alder bevredynghe
Die zyns svaders gramscip heift gheslaect
Ende als middelare smeinschens pays heift ghemaect
410[regelnummer]
Ons allen verlossende/ vut svyants strec.
Jnwend.
Den priester heift macht/ vut tsondich ghebrec
Elc meinsche tonbyndene/ weist gheen verscietere.Ga naar margenoot+
Nyeuwe
Christus sprac tot sinte Pietere
Al dat by hu/ vp deerde wort ghebonden
415[regelnummer]
Wort jnden hemel/ ghebonden vonden.
Ende wat ghy vp deerde sult ontbynden
Salhem jnden hemel/ ontbonden vynden.
Voort sult ghy wederstaen/ de crachten der hellen.
Ten tweesten moet hem/ den priester stellen
420[regelnummer]
Om tvolc te gheuene/ goddelicke leerynghe.
Houde
Malachias jn tweede/ zonder ofkeerynghe
Tvolc zal Gods woort/ zonder ontbeerren
Vut den mondt/ der priesteren begheerren
Vp datse by dien/ mueghen worden gheleert.
Nyeuwe
425[regelnummer]
Tderde officie vanden priester gheheert
Es voor tvolc te biddene tallen stonden
Sacreficie te offeren/ voorde sonden
So ad Hebreos/ Pauwels seghet tonser vromen.
Houde
De priesters / vut den meinschen ghenomen
430[regelnummer]
Syn hier ghestelt/ als hooft ende prelaet
Om te doene voorden meinschen/ dat Godt anghaet
Als ghiften van sacreficie/ ende offrande
Jnwend.
Voor smeinschens sonden/ oock ten onderstande
Om jnden staet van gracien te blyuene
435[regelnummer]
Vp dat de siele/ thueren verstyuene
Vereeneghen mach/ jn eeuwegher memorye
Met Godt hier bouen/ jn dupperste glorye.
Dits naerde betaemte spriesters officie.
Twyff.
Waer zytge au ghy Luters/ vul van malicie?
440[regelnummer]
Scaemt hu/ dat ghy hu seluen vermeit
Te segghene dat ghy/ tmisterye tsecreitGa naar margenoot+
Tgoddelic officie/ zoudt vermueghen te doene
Ghelyc als den priester.
Jnwend.
Hoe zyt ghy zo stout?
| ||||||||
[pagina 435]
| ||||||||
Houde
Hoe zyt ghy zo coene?
Tes wonder dat Godt hu/ niet/ en plaecht ter stont.
Nyeuwe
445[regelnummer]
Wy bidden wat by ons es vermont
Willet al tsaemen/ jnt beste keeren.
Jnwend.
Et comt vut eenen goeden gront.
Houde
Wy bidden wat by ons es vermont
Twyff.
Marote ende jcke/ bidden ooc goet ront
450[regelnummer]
Dat ghyt danckelic neimpt/ eerweerdeghe heeren.
Nyeuwe
Wy bidden wat by ons es vermont
Willet al tsaemen jnt beste keeren.
Jnwend.
Godt laet hu vulstandich/ jn duechden vermeeren
Eerweerdich priester/ hu eerste beghinnen goet
By sHelichs Gheests gracie/ mids de Drye Zantinnen zoet.
†A†M†E†N†
Per my so reine verclaert. |
|