Den kerstelicken ridder

Een seer profijtelijck boecxken, seer nudt ende oorbaerlijck wesende voor allen Christen gheloovighe menschen

De neghende reghel.

GElijc de ondersochte Capiteynen inde oorloge scherpe wake houden als alle dinc in vrede

[p. 77]

oft bestant is, alsoo moet ghy u hert altijdt bereydt hebben, wakende ende voorsichtich wesende teghen alle aenvechtinghe des vyandts, want hy en rust nemmermeer oft hy en gaet om soeckende die hy verslinden mach: Ende met gheen dinck en is hy lichtelijcker ende volmaecter te verwinnen dan dat gy altijt bereyt zijt also vroech als hy u aenvecht, ende dat ghy hem dan sterckelijck wederstaet, ende zijn fenijnich hooft vernielt ende in stucken wrijft. Ende de alderbeste raet is den jonghe kinderen van Babylonien, dat also vroech als sy gheboren zijn dat sy die sonden doot slaen teghen den steen die daer Christus is, eer dat sy grooter ende ouder worden.