De kroniek van Abel Eppens tho Equart

Anno 1570.

Nadat nu die winter und vorst dat water weder vrijgaff, hebben sick die orlichscepen weder to water begeven und up den eylanden underholden den meesten tijdt des yaers; und ys een hoepe west, dat het

[p. 213]

Rijck tot vreede dusse orlogen brengen solde, dan vorgeves. Want den grave van Oestvreslandt bena beschuldinge gestalt worde, dat he die Emse beter verwaren solde, so he des hartogen van Alva vijandt niet verdacht wolde sijn. Hoewol Sijn Genade seer clagede over die scade und nederlagen sijnes landes van Reiderlant und Gemmygen, over die 4 tunne golts getaxiert, und alsnu weder die winter anstont, hefft he nene orlichscepen willen inlaten, dan hebben na Tessel sick upleggen moten,⁺ alwaer die Corneel van Gronnigen myt der ijle dorch sijn hoepluyden hoer verdrivende, hefft voele doet geslagen und 36 gevangen to Gronnigen ingevueret. Daer somme der doden hoveden, up stocken gestoken dragende, hebben moeten vertoenen, daer die stadt Gronnigen seer doer verslagen was. Und daerna sint die sulvygen ock alle onthovet worden to Gronnigen. In dusse yaere up Alderhillygendach ys niet allene in die Ummelanden dan in alle Vreslanden die screckelicke overloep des zies beyegent, die menschen und biesten sonder getall hefft verdroncken und boven enich manier meer als een sees eder soven voet hoech over die dijcken ys angevallen, hefft heele huysen, koren- und hoybloecken medegenomen. Alsoe dat het to Equert vier vacken¹⁾ huyses hefft belopen hadt, ja die ganse wierde tot an den hoechte hefft overvloeyet und mijn meyger Gert Wolters bij Equerdertyl myt twe kinderen ys verdroncken.

+ fol. 111^v.

1) Vier blokken. H.S. heeft: vuir vaeken.