Zinne-beelden der liefde

[p. **1r]

In Emblemata amatoria clarissimi viri Wilhelmi Elgeri JC^ti.

Carminibus teneris teneros Elgerus Amores

Pinxit, & imperii vim, Cytherea, tui;

Qua mare, qua terrae, qua stellifer ardet Olympus,

Ipsaque Taenarii regna inamoena Dei.

Tu face, ne flammas olim experiatur amaras,

Tam bene qui casti pandit amoris iter.

Ardeat, & caris restinguat in ignibus ignes,

Praeda Cupidineo non inhonora choro.

Sic, Hymnis dulces thalamos redimentibus, ipsa

Elgeri fies muneris, ille tui.

Janus Broukhusius.