Het oude Nederlandsche lied. Deel 3

[p. 2634]

684. Nu laet ons allen vrolic wesen.

1.
Nu laet ons allen vrolic wesen,
wi hebben den Heren selven ontfaen;
dat hemelsche broot is ons ghegheven,
der minnen schat is ons ontdaen;
laet ons die spise mit minnen begheren,
so moghe wi haer troost ontfaen.

2.
O edele spise, o soete Here,
in u is weelden ende sadicheit;
si wetent so wel die u ghesmaken,
dat ghi die overste soeticheit sijt;
wilt ons versaden mit u selven,
want ghi die overste soeticheit sijt.

3.
Verblidende sal hi ons verbliden,
als ons die last wort af ghedaen
ende wi tot den hoghesten sale wert tiden

[p. 2635]

 

ende wi tot der hoghester tafelen gaen;

 

daer sal minnen mit minnen versaden,

 

dan sal die brulloft worden voldaen.

 

 

 

4.

 

O al dat der sielen mach ghelusten,

 

dat sal daer sijn volcomenlijc,

 

ende al tot sijnre lusten rusten

 

sal hi si ghebruken vriendelijc;

 

men sal daer ooc singhen mit volre vrouden

 

ende dat sal duren ewelijc.

 

 

 

5.

 

Men sal daer ooc eendrachtelic singhen,

 

men sal daer drinken den edelen wijn,

 

die de suver herten verbliden,

 

die Here sal selven schenker sijn;

 

men sal daer singhen mit volre vrouden,

 

dier vroude en sal gheen einde sijn.

 

 

 

6.

 

Nu laet ons bidden den oversten Heren,

 

dat hi ons bringhe int soete lant,

 

daer hem die heilighen altoos loven;

 

die vroude is der enghelen sanc;

 

want wi die blischap mit herten begheren,

 

o Jesus Here, dat is u becant.

Tekst.

Hoffmann v.F., Niederl. geistl. Ldr., 1854, nr. 117, bl. 234: ‘dit is die wise van den heilighen sacrament: Pangue lingua gloriosi’, hierboven weergegeven; - Dr. J.A.N. Knuttel, Het geest. lied in de Nederl. voor de Kerkhervorming, Rott. 1906, bl. 430. - Een dev. en̄ prof. boecxken, Antw. 1539, nr. 180, uitg. D.F. Scheurleer, bl. 211, zelfde tekst, jongere lezing, zonder de bovenstaande str. 5, met de melodie tot opschrift voerend: ‘Dit is die wise van Pangue lingua gloriosi corporis myste[rium]’. De wijs is die van de hymne toegeschreven aan Thomas van Aquino, die deze in het jaar 1264, op verzoek van Paus Urbanus IV, zou gedicht hebben ter eere van het H. Sacrament.

Over de navolgingen bij de Duitschers, zie Bäumker, Das katholische deutsche Kirchenlied, I (1886), nr. 371, bl. 693.

Melodie.

Een dev. en̄ prof. boecxken, t.a.p.