Het oude Nederlandsche lied. Deel 3

[p. 2504]

645. God groet u, coninghinne.

1.
God groet u, coninghinne,
Maria soet gheluit,
ghij sijt een vat vol minnen
altoos ghebenedijt;
o weerde bruut der weelden,
u lof is ewich lanc,
fonteine des ewighen levens,
schenket ons der minnen dranc.

2.
God groet u, alreclaerste
die ic aenschouwen mach;
Maria onse bewaerster,
si is een ewich dach
vol schoonheit sonder verdrieten,
vol alre doochden groot.
Och mocht ic haer ghenieten,
die edele rose root.

3.
God groet u, merghensterren,
o spieghel sonder smit,
o schoonheit sonder meren,
o lelie onbesmit;
Maria edele sonne,
ic mach u gheven prijs,
ghi sijt een suver blomme,
een rose des paradijs.

4.
God groet u, suver maghet,
o peerle der joncfrouwen schoon;
ghi schijnt ghelijc der sonnen
al in des hemels troon;
daer is si uutvercoren
een spieghel al volmaect,
als een vercierde rose,
och, moeder ende maecht.

[p. 2505]

 

5.

 

God groet u, suver maghet,

 

o soete medecijn,

 

och dach die ewich daghet,

 

hoe gheerne waer ic bi di;

 

en wilt mi niet vergheten

 

wel edel honichroot,

 

als mi mijn herte sal breken

 

al in der uren der doot.

3, 3. o bijgev.; zonder meren = zonder dralen, zonder twijfel. - 3, 7. t.: bloeme. - 5, 6. honichroot = honigraat. - 5, 8. t.: des doots.

Tekst.

Hoffmann v.F., Niederländische geistl. Ldr., 1854, nr. 28, bl. 72, naar het 15^de-eeuwsch Berlijnsch Hs. 8,185, ‘dit is die wise: ‘Het viel een coelen douwe // tot enen vensteren in // nae eenre’ ..., hierboven weergegeven; - Een dev. en̄ prof. boecxken, 1539, nr. 17, uitg. D.F. Scheurleer, bl. 38, zelfde wijsaanduiding. - Aangeh. door Dr. J.A.N. Knuttel, Het geest. lied in de Nederlanden voor de Kerkhervorming, Rott. 1906, bl. 264, als een lied ‘waarin ook sterk met epitheta wordt gewerkt (vgl. het onmiddellijk voorgaande lied), maar op een zoo al niet opvallend schoone, dan toch van goeden smaak getuigende wijze.’

Melodie.

Zie hiervoren I, nr. 64, bl. 321, nr. 73, bl. 341, en III, nr. 483, bl. 1874.