Het oude Nederlandsche lied. Deel 3

[p. 2294]

582. Ic dronc so gairne den soeten most.

Die mensche.

1.
Ic dronc so gairne den zueten most,
die dair vloeyt wt des vaders borst
mit groter gunste;
Heer Ihesus betaelt al minen cost.

Ihesus.

2.
Soud ic al dyn quytscelder syn,
so mostu draghen myn passi ende pyn
al in dat harte dyn;
so moechstu blide int eynde syn.

Die mensche.

3.
O heer, du wyste my al opt liden,
ic soude nu gaerne mitti verbliden
ende ewelic mede vrolic syn;
mar sterven dat is grote pyn.

[p. 2295]

 

Ihesus.

 

4.

 

Soe wie dat sterft in corter tyt,

 

in groter glorien wort hi verblyt

 

al in dat rike myn;

 

dair wort verdreven al hartzen pyn.

 

Die mensche.

 

5.

 

O heer, het moet al ghestorven syn,

 

datter lustich is den vyf synnen myn,

 

ende dat is grote pyn;

 

mar tis cleyn, wilstu myn hulper syn.

 

Ihesus.

 

6.

 

Och woudstu nu dyn harte my gheven,

 

ic soud di cronen int ewighe leven

 

mit een vergulden croen;

 

ghif my dat harte, nem my te loen.

Tekst en melodie.

Bäumker, Niederl. geistl. Ldr., nr. 53, Vierteljahrsschrift, 1888, bl. 289, met stellig aan een wereldlijk lied ontleende wijsaanduiding: ‘Noch dronc ic so gaerne die coele wyn’. - Vgl. hierna het lied: ‘Ave Maria, soete maecht’, dat mede op de melodie van een drinklied werd gezongen.