Het oude Nederlandsche lied. Deel 3

[p. 2292]

581. Wildi horen van Ihesus woirden?

1.
Wildi horen van Ihesus woirden?
Rou van sonden is so goet:
al wair heer Ihesus noch so gram,
hi wort dair mede wel sacht ghemoet.
Als ic aensie dat grote goet,
dat mi heer Ihesus heeft ghedaen,
so ist wel recht, dat ic hem dien
ende anders gheen goet aen en gae.

[p. 2293]

 

Gaet tot hem, tot hem, tot hem,

 

gaet tot hem ende volcht hem nae,

 

denct dairom, dairom, dairom,

 

hi selt u lonen, dat weet voirwaer.

 

 

 

2.

 

Ihesus dienst, dat beste goet

 

dat ymmermeer doch wesen mach,

 

dat moet my syn soe oversoet,

 

dat ic hem dien nacht ende dach.

 

Mar dat solaes, dat hier gheschiet

 

na dese lose, valsche werelt,

 

dat verkeert dick in verdriet,

 

alsmen met oghen scouwen mach.

 

Gaet tot hem, enz.

 

 

 

3.

 

Oetmoedicheit so wil ic soeken

 

alle dese corte tyt,

 

in enicheit so wil ic loepen,

 

so mach ic worden van duechden ryc;

 

ende roepen altoes Ihesum an

 

in allen dat mi hier gheschiet;

 

wanneer ic biden menschen coem,

 

so schiet myn hartkyn dic verdriet.

 

Gaet tot hem, enz.

 

 

 

4.

 

Wanneer ic bi heer Ihesu sit,

 

ende denck altois op sinen doot,

 

so dunct my recht, dat hi soet is;

 

ic woud ic altois bi hem wair,

 

ic woud ic bi hem wair altois,

 

ende ic altois mocht bi hem syn;

 

men is dair altois even vroe,

 

men drinct dair altois sueten wyn.

 

Gaet tot hem, enz.

Tekst en melodie.

Bäumker, Niederl. giestl. Ldr., nr. 49, Vierteljahrsschrift, 1888, bl. 251, met opschrift: ‘Wilgi horen van mynre coorden, turf ende hout’, naar het 15^de-eeuwsch thans te Berlijn berustend Hs. nr. 8,190. De melodie aanvangend met d, sluitend met c = aanvang met a, slot in g, zou aldus behooren tot de aeoli-iasti (zie hiervoren de Inleiding, bl. XX), waarover Gevaert, La mélopée antique, 1895, bl. 74. De laatste drie noten f d c = c a g, kunnen zooveel te minder als eene drukfout aangezien worden daar ze zich daarvoren tweemaal voordoen. Vgl. de melodie hierna: ‘Comt ons te hulpe’.