Het oude Nederlandsche lied. Deel 2

[p. 1086]

304. Scinc her den wijn.

1.
Scinc her den wijn;
gheselle mijn,
wi willen vroilic leven;
het mach sulc zijn
noch up den Rijn,
die ons gheluc mach geven,
al moeten wi nu sneven.

2.
Wat saelt ghetruert?
de sulc bezuert,
een ander moet bezoeten;
wat mi ghebuert
ic willecuert.
God saelt noch tjaren boeten,
dat wi nu trueren moeten.

3.
In vruechden vro
sine wi also,
wi willens ons verbliden.
Wine achtens jo
een averstroo;
die ons daer om beniden
God geve hem al ons liden.

[p. 1087]

 

4.

 

Gode geve hem heil

 

met vruechden geil,

 

wie metten vrauwen hoven;

 

al heift een veil

 

den wint in tzeil,

 

hi mach hem wel beloven

 

es hi des nijts te boven.

 

 

 

5.

 

Wel op, wel aen,

 

laet niden staen,

 

ende leven wi metter eere;

 

met niders gaen,

 

onnere ontfaen;

 

van haren bozen kere

 

elc man hem hoeden lere.

2, 4. t.: wat nu ghebuert; verbetering voorgesteld door J. Verdam, in Tijdschr. voor Ndl. taal- en letlerk. IX (1890), bl. 273 vlg.

Tekst en melodie.

Oudvlaemsche liederen der XIV^e en XV^e eeuwen, uitg. door C. Carton (Maetsch. der Vlaemsche bibliophilen), Gent, z.j. (1849), nr. 56, bl. 122. Aangeh. door Dr. Kalff, Het lied in de M.E., bl. 473, als ‘een echt drinklied uit de XIV^de eeuw’.