Het oude Nederlandsche lied. Deel 1

[p. 531]

140.
Nieuwe jaer haet mich verhuecht.

1.
‘Nieuwe jaer haet mich verhuecht
met rechter vruecht,
vrauwe, in dijnre hoede.
Du aens mijns hertze also bewuecht
met dijnre duecht;
wi soldichs werden moede?

2.
‘Ich haen ghehadt der jaren veil
met vruechden speil,
dan can mi niet verdriesen.
Met trauwen icht voor niders heil,
hoe das ich queil,
ich wils nu voort gheniesen.

3.
‘Up erde en anich liever gein
dan du allein,
dat saeltu wael bevinden;
want ich di diene in trauwen rein,
niet als vilein,
die helt met allen winden.

[p. 532]

 

4.

 

‘Dus blijfstu in mijns hertzen bloet,

 

lief beilde zoet,

 

boven allen wiven;

 

du aens mijn hertze ende ooc mijn moet,

 

in dijn behoet;

 

dijn eighin moetic bliven.

5.
‘Dit jaer ende al die volghen naer,
vrauwe, weit vorwaer,
so blivic dir ghestade.
Liever ledic liden zwaer,
al mine jaer,
dan ich di ontrauwe dade.

6.
‘Nu jon mi dan dijns vruechts ghecrijch,
vrauwe duechdenrijch,
blijft in trauwen vaste.
God jonne ons tween eendrachtelijch
sijn hemelrijch
met sijnre vrienden raste.

2, 4. t.: nider. - 2, 6. t.: mi. Verandering voorgesteld door Prof. J. Verdam, Tijdschr. voor Ndl. taal- en letterk. 1890, bl. 273 vlg. - 5, 2. t.: trauwe.

Tekst en melodie.

Oudvlaemsche liederen, uitgegeven door C. Carton (Maetschappy der Vlaemsche bibliophilen), Gent, z.j. [1849], nr. 76. bl. 143.