Het oude Nederlandsche lied. Deel 1

[p. 474]

121.
Ontweckt, schoon lief.

1.
Ontweckt, schoon lief, laet staen u slapen,
wilt vreucht betrapen voor slapens ghemack,
en droomt niet meer, hoort Venus knapen
singhen en gapen deur der minnen pack.
Zy claghan tspeer dat hen deurstack
metter minnen lack;
dat hertkin brack totten gronde,
zy klaghend u, lief, met hert en monde.

2.
Schoon lieflick lief, reyn wtghelesen,
gheheel dijn wesen is net ende jent,
dijn schoonheyt en was noyt vulpresen,
dies is my gheresen een zwaer torment;
gheeft my doch troost, blomme excellent,
mijn groot grief bekent,
oft, laes, ghy schent al mijn leden;
een troostelick woort maect my te vreden.

[p. 475]

 

3.

 

Dijn lipkins root, dijn schoon bruyn ooghen,

 

u lachenden mont ende u ghelu haer

 

doen my druck ende pijn ghedooghen,

 

wilt troost vertooghen, ick bids u eenpaer;

 

om troost te cryghen, lief eerbaer,

 

volghick u oock naer

 

hier ende daer tallen plecken;

 

dies biddick, schoon lief, wilt troost ontdecken.

4.
Troost ghy my niet, so moet ick sterven,
mits druck bederven al in desen noot;
schoon lief, laet my toch troost verwerven,
wilt my onterven haest van deser doot:
oft doedijs niet, schoon rooskin root,
ick seght u al bloot:
deur swaren stoot in mijn leven
sal ick my totter doot toe begheven.

5.
Mocht ick dy spreken ende aenschauwen,
ic waer behauwen, maar ten mach niet zijn;
waert soo, ick had gheluck van vrauwen,
nu moet ick flauwen, deur dat fel ghepijn.
Haddick toch eens den wille mijn
Dijn seer soet aenschijn,
bly zoudick zijn sonder treuren;
maer, laes, dit en mach my niet ghebeuren.

6.
Cort mynen druck en mijn verzeeren,
tot vraukins t'eeren heb ick my ghestelt;
schoon lief, wilt u te mywaert keeren,
troost wilt vermeeren in dit groot ghewelt;
laes, doedijs niet en ghy verfelt,
hoe ghy my ghewelt,
een woort doch relt tmijnder baten:
in gheen seysoen en sal ick u laten.

Tekst en melodie.

Mathijs de Casteleyn, Diversche liedekins, 1574, nr. 5, bl. 11, zonder wijsaanduiding:

[p. 476]

Ont - weckt schoon lief / laet staen u sla - pen
wilt vreucht be-tra - pen voor sla - pens ghe - mack /
zy cla-ghen tspeer dat hen deur-stack / met - ter min - nen lack /.
Dat hert - kin brack tot-ten gron - de /
zy kla-ghent u lief / met hert en mon - - - - de.

en droomt niet meer/ hoort Ve - nus kna - pen
sin - ghen en ga - pen / deur der min - nen pack;