Het oude Nederlandsche lied. Deel 1

[p. 470]

119.
O lustelike mey.

1.
O lustelike mey, ghi zijt nu in saisoene,
schoon ende groene,
die vogelkens singen nacht ende dach.
Dies ic wel mach, sonder verdrach,
aensien reyn ooge opslach
van myn lief coene;
haer liefde macht mi veel te doene.

2.
Int velt staet menich schone bloeme
wie soudese sommen?
Hoe lustelic dat gersseken wter aerden spruit!
Loof ende cruyt gheeft nu virtuyt.
O mijnder herten iuyt
verblijt den dommen;
een troostelic woort laet, lief, van u commen.

[p. 471]

 

3.

 

Schoon lief, ghi zijt die liefste creatuere:

 

mijns levens duere

 

blijve ic gestadich tot in mijn doot.

 

Reyn lief minioot, troost mi, tis noot,

 

die mijn herte doorschoot.

 

Reyn maget puere,

 

om uwen troost ist dat ic labuere.

4.
Schoon lief, ghi acht mijn woordekens cleene:
dies ic in weene
blijve met drucke so seer doorwont;
ghi zijt diet doet. Schoon beelde soet,
verhuecht sin ende moet;
met uwen troost reene
worde ic verblijt door u alleene.

5.
Princersselic greyn, wien ick geerne aenschouwe,
blust mijnen rouwe,
laet mi, arm dienaer, troost ontfaen.
Reyn vrouwelijc graen, hoort myn vermaen;
laet mi in u gracie staen,
so sal ic met trouwe
u dienen, lustelijcke vrouwe!

2, 1. t.: menichte van bloemen. - 4, 3, s,: blijve ic met.

Tekst.

Antw. lb., 1544, nr. 128, bl. 194, ‘een nyeu liedeken’. Aangeh. door Dr. Kalff, Het lied in de M.E., bl. 321, 344.

Melodie.

Souterl. Antw. 1540, Ps. 79, ‘Ghi die condt Israhel, o Heer, regieren’ - ‘nae die wise: ‘O lustelijcke mey, ghi staet int saysoen[e]’. - Aangeh. als stem in Een nieu liedenboeck, 1562 (zie Wackernagel, Lieder der niederl. Reform., bl. 16, tweede col. in f., voor een lied ook te vinden in Het tweede liedeboek, Amst. 1583, bl. 146: ‘Broeders en susters Christi wtvercoren’, vermeld door Dr. F.G. Wieder, Schriftuurlijke liedekens, 's-Grav. 1900, Regist., nr. 94. - Het lied: ‘O lustelijcke mey, hoe schoon staet ghy ontloken’ voorkomende, bl. 8 v^o van het voornoemde lb. van 1583 (Dr. Wieder, nr. 713) heeft anderen strophenhouw en werd voorgedragen ‘op de wijse: Hoe schoon staet ontloken, etc’.