Het oude Nederlandsche lied. Deel 1

[p. 432]

106.
Met eenen droeven sanghe.

1.
Met eenen droeven sanghe
ist dat ick u claghen moet,
dat ic dus bi bedwange
moet laten dat liefste goet;
haer wesen is so soet
van haer die mi trueren doet;
na haer moet ick verlanghen,
verteerend mijns herten bloet.

2.
Schoon lief, wt charitaten,
ontsluyt dat herte dijn,
ende wilt compassie vaten
des bitteren lijden myn;
u amoreus aenschijn
verblijt dat herte mijn;
al hebt ghi mi ghelaten,
u dienaer wil ic zijn.

3.
Ick ben so dom van sinnen,
dat ic u met al mijnder macht
moet eeren ende minnen,
u ende al u gheslacht;
al ben ic ongeacht
van u, reyn vroulijc dracht,
daer ionste is van binnen,
die wortel hout haer cracht.

4.
En laet ons niet verscheyden,
scoon lief, waer ghi bevaert,
wi en houden tusscen ons beyden
den amoruesen aert;
want dicwils openbaer
ghi segt mi waer ghi bevaert;
dies wil u God geleyden,
die alle dinc bewaert.

[p. 433]

 

5.

 

Wat dinge mach mi gebreken,

 

wat heb ic u misdaen,

 

dat ick dus ben versteken

 

van u, reyn vroulijc graen?

 

Rijck God, waer sal ic gaen

 

oft hoe salt met mi staen!

 

Al wt mijn ooghen leken

 

so menighen heeten traen.

6.
Adieu, suyver princesse,
adieu, reyn violier,
adieu, reyn acoleye,
adieu, reyn eglentier,
adieu, bemint rosier,
adieu, reyn balsemier,
dit is mijn bien alleye;
adieu, ic moet van hier!

7.
Int slot van mijnen gedichte
so rade ick elcken persoon,
dat hi zyn minne niet en stichte
ghetroulijc sonder loon;
wat Venus kinder doen,
die comen gaerne int groen.
Och lacen, also lichte
diende ick sonder loon!

1, 8. verteerende. - 4, 1. t.: Laet ons, enz. - 6, 7. bien alleye, Fransch = vaarwel. Godefroy, Lexique de l'anc. Français: bienalee = repas d'adieu, départ. - 7, 5. t.: want Venus kinder.

Tekst.

Antw. lb. 1544, nr. 117, bl. 177, ‘een nyeu liedeken’. Anderen strophenbouw heeft het lied met zelfden aanvang, zelfde verzameling, nr. 172, en nogmaals nr. 202. - Aangeh. door Dr. Kalff, Het lied in de M.E., bl. 318, 335, 346. Een nieuw lb., 1562, bl. 60, ‘Met eenen droeven sanghe // sing ick een droevich liet’, met wijsaanduiding: ‘alst begint’, vergeestelijking herdrukt door Wackernagel, Ldr. der Niederl. Reform., bl. 98, ook vermeld door Dr. F.C. Wieder, De Schriftuurlijke liedekens, 's-Grav., 1900, Regist. 541.

Melodie.

Zie het lied ‘Met eenen nyeuen sange’.