Ghedenck-boeck

[fol. ***iijv]

Sonnet.
Op het const-rijck Ghedenck-boek ghemaeckt.

Doorsiet dit Boeck die roemt te hebben veel ghelesen

Ionck en oud aenmerct doch des Spaingnaerts handel fier

Heerlijck in dicht ghestelt, hoe dat tot svvaerd en vier

In Neerland hebben sy veel menschen licht vervvesen,

Alsoo dat dit boeck vvel te recht mach zijn ghepresen

Claer leeret u voorvvaer des vyands vvreed bestier,

Om t'Land te bringhen heel te niet en in dangier,

Betoont van haer aen ons, jae aen Duym selfs voor desen

V leeret oock ronduyt de groote liefd' en trou

Sonderlingh van elck Prins van het huys van Nassou,

Die daegh'lijcx noch voor ons soo troulijck vvagen t'leuen,

V sy dit constich vverck (soo't hoort) vvel aenghenaem,

Yeder danck grootlijcx Duym verhoogt sijn eer en faem,

Met den Laurier croont hem als Poët vveerd verheven.

Liefde baert vrede.

P. Vergeelsuene.