Ghedenck-boeck

(1606)–Jacob Duym– rechtenstatus



[Folio **iijv]
Tot Hopman Ionckheer Iacob Duym van Leuven. ICk volgh u Ioncheer Duym, hoe vvel met svvacke vlercken Het is soo als ghy seght, daer staet vvel op te mercken vvat moetvvil en vvat quaet, vvat schand en vileynij, In Neerland heeft ghepleecht de Spaensche tyrannij. Daer teghen raed ghy vvel de trouvvicheyt t'aenschouvven Van d'Arausijnsche Held en Vorste van Nassouvven. O vverckelijcke man! o die vant Spaensch ghevveld Oock kommer hebt gheleen, dat ghy haer nu vergheld. Al is by haer de ganck een vveynich u benomen, De Duym is heel en gaeff, en met de Duym de hand, Die sett hier by gheschrift u vvonderlijck verstand. Soo dat die vvijlen vvaert een Hopman sonder schromen Al nae den eysch van Mars, sult even vvijd beroemt, Nu dat ghy Musa bout, ons Hopman sijn ghenoemt. P.S.