Ghedenck-boeck

[fol. **ijv]

In Balthasaris Gerardi execrandum facinus, a Nobili viro Iacobo Duymio vernacula lingua conscriptum.

Iberi scelus improbum, dolusque,
Victori miserabilis Batavo,
Cum princeps populique patriaeque,
Vno concidit impetitus ictu,
Nostro cum steterat prius cothurno,
Favit maxima Leida, favit ipsa
Totis plausibus annuens imago:
Favit Douza sui pater Lycei,
Favit maxima Caesaris propago,
Et Graiae columen Faber Camenae,
Et Grotî pia cura, Scriverîque,
Et Graias Latiasque qui Camenas
Et Graias Latiasque amaret artes.
Muto caetera gens stetit theatro
Solis nescia gestibus doceri.
Vetat Duymius: & vetans latere,
Belgâ protenus induit cothurno.
Belgae Belgia plaudit: &, quid, inquit,
Rem decet populique patriaeque,
Et patrem populique patriaeque
Qui Belgis perijt, loqui Latinis?

Stans pede in uno

Daniel Heynsius.