Refreinenbundel
(1940)–Jan van Doesborch–
Auteursrecht onbekend
[pagina 141]
| |
Ga naar margenoot+ [LXXVII] Refreyn
O Herte splijt in dusent quartieren,
Comt felle dieren wilt van manieren,
Verslindt mi als hongherige ghieren
In dit bitter leet;
5[regelnummer]
Ontdoet v speluncken bergen duwieren, Ga naar eindvs. 5
Brandt alle vieren heet in dat bestieren,
Comt oueruloeyt mi alle riuieren
Wijt ende breet;
Mijn bloedich sweet ben ic bereet
10[regelnummer]
Haer te schencken ghemenget met tranen heet,
nemmermeer en vintse mi tot haerwarts wreet,
Al smelt mijn lichaem gelijc den wasse
Non fortse mocht icse noch eens dienen te passe.
O nacht wilt dyn duysterheden
15[regelnummer]
Tot mijnre beden doch nv besteden
Ende laat den claren dach beneden
Oft mocht baten,
Och bloemkens toocht dijn soete seden
Van minlicheden seer net besneden
20[regelnummer]
Opdat dalder ienste schoonste van leden
Vwen roke mocht vaten,
Ga naar margenoot+ O suete vogelkens schoon bouen maten,
Wt caritaten en wilt niet aflaten
Mer singt in velden in bosschen in straten;
25[regelnummer]
Ic haecke na tsoetste der honichraten
Non fortse hoe ick drucke in mij tasse, Ga naar eindvs. 26
Mocht icse noch eens dienen te passe.
Mocht ic eens in haer herte gheraken
Met ghiften oft schoon minlike spraken
30[regelnummer]
Oft ander saken daer wildic om waken
Ter eere van haer;
Haer lieflic opsien haer blosende kaken
| |
[pagina 142]
| |
Mi therte doorblaken ende heel ontscaken,
Niet wetende wat ick sal gaen maken
35[regelnummer]
Door tliden swaer.
Haer aenschijn claer maect mi misbaer,
Noyt grief en ghinc mijnder herten so naer
Als dit eenpaer, noyt sulcken vaer.
Dus ligge ic mat voor Venus outaer
40[regelnummer]
Van ancxt ende sweetende ghelijc dasse.
Och mocht icse noch eens gedienen te passe.
Prince
Princesse isse in mi verheuen
Ga naar margenoot+ Die mi doet leuen int bitter sneuen
Daer alle mijn vruecht bi is verdreuen
45[regelnummer]
Bi Venus rade;
Haer wetende herte gaet bouen screuen Ga naar eindvs. 46
Haer toe ghenegen soot is beseuen. Ga naar eindvs. 47
Al laetse mi dus suchten en beuen
Verhart int quade,
50[regelnummer]
Nochtans so hoopick op haer ghenade,
Te gheender smade icx haer en bade;
Had icse thuys binnen der casse
Ick hope ick soudese wel dienen te passe.
|
|