Logo DBNL
Refreinenbundel (1940)

Refreinenbundel

(1940)–Jan van Doesborch–rechtenstatus Auteursrecht onbekend

Vorige Volgende

+ [LXVII] Refreyn

 
DVecht, iuecht, vruecht ende een salich iaer
 
wensch ic v mijn liefste vyolette,
 
wien ic mi eyghen voort eenpaer
 
leuende oft doot eewelic besette; vs. 4
5
bloeme, daer ic met allen sinnen op lette,
 
ic hope ten sal v niet berouwen,
 
macht wesen ic wensche na den banckette
 
te liggen in armkens sonder mouwen. vs. 8
 
 
 
Lasen alst al is ouerghepeynst
10
so en is die minne nemmermeer volmaect,
 
voor datmen mach ligghen ongheveynst
 
arm ende arm int beddeken moedernaect.
 
daer ist dat alle mijnen sin naer haect
 
gheminde lief, so ghi muecht schouwen,
15
mer duchten seyt mi ic ben misraect vs. 15
 
te liggen in armkens sonder mouwen.
 
 
 
Lasen al vallic dus onbedect, vs. 17
 
lief, en neemt in gheender onweerde:
 
het doet natuere die mi verwect
20
nacht en dach, schoon suuer gheerde. vs. 20
 
twaer cleen gheschil dat v mijns deerde vs. 21
 
+ schoon lief, wilt doch mijn ionste betrouwen;
 
mi en roecte niet wat icker om verteerde
 
te liggen in armkens sonder mouwen.
 
 
25
Princesse. al claech ic ghi achtes twint,
 
nochtans bid ic v schoon roder mont,
 
laet mi doch wesen van v bemint,
 
so bliuic eewich van herten ghesont.
 
god wil ons ghesparen tot dier stont
30
dat wi malcander in liefden vaste houwen,
 
op dat wi vinden den sueten vont
 
te ligghen in armkens sonder mouwen.

Vorige Volgende