Archief voor kerkelijke en wereldsche geschiedenissen, inzonderheid van Utrecht. Deel 5

X. Collatie der kerk te Alkmaer, door Bisschop Wilhelm van Enckevoirt, ten voordeele van Ad. Rich. de Bruela. (1530).

Wilhelmus a Enckevoirt, miseratione divina tituli Sanctorum Johannis et Pauli sacrosancte Romane ecclesie presbiter cardinalis Dertusensis et Episcopus Trajectensis, Dilecto nobis in Christo Adam Richardo de Bruela, clerico Coloniensis diocesis, secretario et familiari nostro continuo commensali, salutem in Dno sempiternam; Grata familiaritatis et devocionis obsequia, que nobis hactenus impendisti et adhuc sollicitis studiis impendere non desistis, nec non vite et morum honestas aliaque laudabilia probitatis et virtutum merita, quibus personam tuam tam familiari experientia, quam etiam fide dignorum testimoniis juvari percepimus, nos inducunt, ut tibi ad gratiam reddamur liberales. Cum itaque, sicut accepimus, parrochialis ecclesia opidi Alckmarie nostre Trajectensis diocesis, cujus collatio, provisio, presentatio, et quevis alia disposicio, cum illam pro tempore vacare contigerit, ad nos, ratione dicte nostre ecclesie Trajectensis spectare et pertinere dinoscitur, per obitum quondam Hermani ex comitibus de Nuenaer, dicte parrochialis ecclesie, dum viveret, rectoris et ultimi possessoris extra Romanam curiam et in partibus defuncti vacaverit et vacet ad presens, nos tibi premissorum meritorum tuorum intuitu, gratiam specialem facere volentes, parrochialem ecclesiam predictam, sic, ut premittitur, aut alias quovismodo et ex alterius cujuscumque persona etiam per liberam resignationem dicti quondam Hermani vel cujusvis alterius vacan. cum omnibus et singulis suis juribus et pertinentiis et annexis, tibi, tam auctoritate nostra ordinaria, quam vigore indultorum apostolicorum nobis concessorum et ad hoc suffragancium omni meliori modo, quo possumus, conferimus et de illa etiam providemus, Teque propterea coram nobis constitutum in corporalem possessionem seu quasi parrochialis ecclesie ju-

[p. 305]

riumque et pertinentium ac annexorum suorum predictorum per bireti tui capiti tuo imposicionem Recepto primitus a te ad sancta Dei evangelia, quod nobis et successoribus nostris dicte ecclesie Trajectensis episcopis pro tempore existentibus fidelis et obediens eris nostrisque pariter et successorum predictorum ac sancte Romane ecclesie parebis mandatis fructus quoque redditus et proventus, jura, obventiones et emolumenta dicte parrochialis ecclesie pro posse et nosse defendes et manutenebis corporali juramento ponimus et inducimus ac investimus etiam de eisdem, Mandan. et preciepien., tenore presentium, vicario et officiali nostris ceterisque viris ecclesiasticis et secularibus, necnon notariis et tabellionibus publicis quibuscumque in civitate et diocesi nostris predictis et alibi constitutis, qui per te vel procuratorem tuum ad hoc a te legitime constitutum super hoc fuerint requisiti seu aliquis eorum fuerit requisitus, quatenus ad dictam ecclesiam parrochialem et loca alia, de quibus expediens fuerit, accedant vel accedat, Teque vel pro te procuratorem tuum predictum, in et ad corporalem, realem et actualem possessionem parrochialis ecclesie juriumque pertinencium et annexorum predictorum, auctoritate, nostra ponant et inducant inductumque defendant, amoto exinde quolibet illicito detentore, tibique vel procuratori tuo predicto pro te et tuo nomine de fructibus, redditibus redditibus (!) proven., juribus, obventionibus et emolumentis predictis respondeant et faciant ab aliis, quantum in eis fuerit, plenarie et integre responderi. In quorum fidem et testimonium premissorum presentes literas manu nostra propria subscriptas exinde fieri et per notarium et secretarium nostrum infrascriptum subscribi et publicari mandavimus, sigillique nostri jussimus et fecimus appensione communiri. Datum et actum Rome in monasterio Sanctorum Johannis et Pauli fratrum iesuatorum (?) congregationis Sancti Hieronimi, sub anno a Nativitate Dni millesimo quingentesimo trigesimo, Indictione tertia, die vero decima mensis Novembris, Pontificatus sanctissimi in Christo patris et dni nostri, dni Clementis, divina providentia pape septimi anno septimo, Presentibus ibidem honorabilibus viris Cornelio de Hamstede et Hieronymo de Schatensibus, familiaribus nostris, clericis dicte nostre Trajectensis diocesis et Romane civitatis testibus ad premissa vocatis atque rogatis.

W. Car^lls Dertusen. Eps Trajecten. ma^u p^iu.

Lager: Ambrosius Lambertus, notarius et secretarius rogatus subscripsit.

Opschr.: R^de patri dno Johanni van der Vorst, decano Trajecten. dno observan^o. Trajecti inferioris.

(Naar het orig. instrument geschreven in charter-vorm, op zeer fijn perkament, zamengelegd geweest zijnde briefsgewijze.)