De warachtighe fabulen der dieren
(1567)–Eduard de Dene–
Auteursrechtvrij
[pagina 10]
| |
[pagina 11]
| |
Den Esel ende Haze.ALzoo den Leeu in een wilde contreye
Oprechte een Armeye
Daer die viervoetighe Dieren gheropen waren,
Zijn zy ghecommen door berghen, dal, en valeye,
Om hem by te staene als goede dienaren:
Hy vertooghde hemlien daer in het vergaren
Dat hy vooren nam te leueren strijt
Ieghens de Voghelen, zonder eenich sparen
En wildet al waghen om t'ghemeen profijt:
Goede regierders zyn oorboorlick altijt.
Dit opstel heeft hemlien zeer wel behaeght
En doen was den Leeu vanden Beer ghevraeght
Wat de traecheyt vanden Ezel, en de vervaerthede
Vanden Haze, diemen so lichtelick iaeght
In zulck een Armeye zou doen? ofte dede?
Den Ezel (zey den Leeu) can met zyn gheschal mede
Tot vechten verwecken, en den Haze niet moe
Sal onse Bode zijn, in d'een en d'ander stede:
Want daer en is niet soo schu, ofte traech van lede,
Ten dient erghens toe.
Zoo ist van sommighe menschen afionstich
Die de simpele versmaden en alom versteken,
Om datse zijn plompsinich en onconstich
Oft en weten niet van eenighe loose treken
Maer al wetende zulck an vele ghebreken
En d'afionstighe buerlier weluaren daerdt
Werden van ander ten dienste beghaerdt,
En sijn haer veel waerdt:
|
|
