Eduard de Dene. Testament rhetoricael

Vastenavend Dansliedeken
Met puffende maghen // droncke subbelen
vastenavends daghen // muegher me hubbelen /

Hoort alle die zyt van Bachus bende
end hu naer vastenavendt dwynght
eer datmen hu de zomer zende
doch hu ghelt niet gheel verdrynct
maer properlick by maeten schijnct
fraey ghezondt wordt ghy ghepresen
en wat ghy doet / dit ouerdynct
Moorghen moet ghy sober wesen

Die versmeert nv groot ghelach
en metten theerlyngh tghelt verdoet
daer ghy meer dan eennen dach
thuwen huuse by leuen moet
vroylick huwen durst nv boet
theert vougsaemich bouen desen
hoe ghy tdlyf baldadich voed
Moorghen moet ghy sober wesen

Drooghe kelen by Manieren
die zo gheerne by pyntiens poyt
souft noch hedent alfue Bieren
vry deen danders keerleken ployt
Rasch om bucht Tot myn oomkens schoyt
⁺ es hu Credo huutghelesen
zwelghet tmaertsbier nv gheloyt // Moorghen etc^a /

Die noch Rycke zyt van hauen
touft nv Venus moy gheCranst

+ 372 r

[p. 100]

5

Laet den theerlyngh dapper drauen

 

huwer alder Lustich Canst

 

Momt zynght sprynght hubbelt en danst

 

Laet ghenouchte zyn gheResen

 

drynct bacxkens huut / Brast ende schranst // Moorghen etc^a /

 

 

10

Fraey Ioncvvyfuekens ende Cnaepen

 

die gheerne vette morseelen smult

 

vvilt alshedent wyde gaepen

 

hu buucxkens voor zes weken vult

 

dan natuerlicke blomme huutbult

15

Laet hu helpen ende ghenesen

 

doet ghyt niet tword hu tselfs schult // Moorghen etc^a

 

 

 

Pupstekers die om den naeycoorf vechten

 

ende Venus zyn onderdaen

 

vvilt den standaert vroylick Rechten

20

en bloodshoofts noch int vleeschuus ghaen

 

smetst saussyskens en Coolbraen

 

Laet nv soberheyt verknesen

 

drynct int Lyf den Rynsschen traen // Moorghen etc^a

 

 

 

Die om hebben doet den heesch

25

en gheerne tlecker keelgat voert

 

eer ghy eit hu laetste Vleesch

 

Laet vp hu vleesch zyn ghetamboert

 

end huwe Blende schuetel Roert

 

nyemandt zalmer omme vesen

30

hu dranck wel buetert ende poert // Moorghen etc^a.

 

 

 

Oorlof pier pauwels claeys en philips

 

end elck wie hoort ons vroylick Liedt

 

tes in ons buerse zeer groot Eclips

 

⁺ Want wy en zien der een cruce Niet

 

nochtans al eist Dat zoo gheschiet

 

crancken willen wy droufheyts pesen

 

en wesen Rechts vroylick zoomen ziet

5

Maer moorghen willen wy wyser wesen

+ 372 v