Eduard de Dene. Testament rhetoricael

⁺ Vastenavends Disciplen ander aduerteren
ende Animeren
Tot Brassen ende busen doende electie
dat zy insghelycx slampampen zonder cesseren
Die willende brynghen onder huer protectie

Saluut die altyds zyt durstich en wackere
van weghen Vastenavendt nv huwen eerdschen god
bespoeyt nv met drancke dyns lichaems Ackere
Laet hu minste tueghe zyn een vullen pot
brast ende smetst goe teercost nv allevot
zyt vroylick vp Venus ghetauwe weuende
schept vp van vryer sticken / schiet huwen zot
vvoensdaeghe moettet hu zyn begheuende

Ruters die schendt menich cappoens craeghe
ende den Rynsschen baey Clouckelick dryncken
eecke plancken duerzittende tot tsmoorghens ten daeghe
daer men dassaulten / met thinnen trompen doet clyncken
wilt nv om Bachus preuilegen dyncken
ter tafel ghemaetst als mueren leuende
faictes moy Raison / dotant wilt schijncken
Woensdaeghe moettet hu zyn begheuende

De ghuene die slyngheren menich Cansken
ende metten theerlyngh tghelt verdoet

+ 370 v

[p. 98]

 

dat de zulcke^* moet zoucken fynansken

25

ende verpepert zyn parafernele goedt

 

Clouckzinnich vry noch het beste doet

 

zyt daeromme gheenssins sneuende

 

maer weist als leeuwen clouck ghemoet

 

vvoensdaeghe moettet hu zyn begheuende

 

 

30

Schuut nv Corre die twisteghe Rampeghe

 

die met een lecker morseel darf theerren

 

maer bezouct nv me vrau slampampeghe

 

ende wilt den borst daer vettelick smeerren

 

⁺ Talder bancketerynghe wilt hu gheneeren

 

die elck andren zyt nichtende of nevende

 

helpter tschimmel huut alle vleeschspyse weeren

 

Woensdaeghe moettet hu zyn Begheuende

 

 

5

Ghy Vander pensemarct edel greynen

 

zwelght spierynghen van Cappoenen in

 

buetertse dicke ende wiltse BeReynen

 

met groote Rynssche backen / naer Bachus zin

 

Laet in tkeelgat groeyen gheen Copghespin

10

een wafelmeelken Laet zyn huutzeuende

 

poyt clauerblaeykens / maer emmers niet min

 

Woensdaeghe moettet hu zyn begheuende

 

 

 

Ghy Die in Bona dies cueckene wuendt

 

Besmout besmatert ghelyck een Beyte

15

die meest Ieghens alle soberheyt stuent

 

viert vastenavendt / wie dat becreyte

 

maer emmers negheenssins drynct Carperkeyte

 

doet zoo ghy oyndt waert de verheuende

 

schost brost dat ter kelen en nuersen huutspeyte

20

vvoensdaeghe moettet hu zyn begheuende

 

 

 

Paters nonnen baghijnkens ende zusterluten

 

die de vynghers inde buetre te wasschene pleghen

 

vvilt noch goe Lecker beetiens ter panne fruten

 

bezouct elck anders caeren in allen weghen

25

moutvlieghe altyds durstich gheneghen

 

drynckende tbier ghebuetert Cleuende

 

Lardeirt den peysterzack hoe ghecreghen

 

vvoensdaeghe moettet ghy zyn begheuende

 

 

* ‘zulcke’: ‘z’ over andere letter.

+ 371 r

[p. 99]

 

Princesselicke

 

 

30

Vraukens elck venus moncxken

 

die gheerne een Billeken slyngheren fraey

 

⁺ huut caluwaerts mammeken drynct een droncxken

 

van dien Rinsteghen natuerlicken baey

 

Laet nv huutblusschen den brandighen laey

 

ontfanct int vleeschuus clouck niet beuende

5

den Rinsteghen dandeRick / want vraukens fraey

 

VVoensdaeghe moettet hu zyn begheuende

+ 371 v