Eduard de Dene. Testament rhetoricael
(1976-1980)–Eduard de Dene–
Auteursrechtelijk beschermd
[pagina 237]
| |
een bruun blomken / tusschen witte dien // ghevoughelick
verwect lust / van wys blood / Blonck of stout
Tvvee bluesende caecxkens / als coluerich // Rood
25[regelnummer]
ende een Rood mondeken / dat blydelick // lacht
dit maect tsmans gheest / zeere becuerich // groot
dies hij hem ter liefden ghetydelick // schacht
Tvvee harde borstkens / die zyn om Rusten // goet
eennen harden liggher / Ter tycke // desen
30[regelnummer]
es pryselick alsmen vrau venus lusten // doet
daer elck secreit mach / met zijns ghelycke // wesen
Tvvee langhe zyden zyn ghepresenGa naar voetnoot** // staende
ende eenen langhen hals / als de zwane // wit
achter straeten zebaer en weselick // ghaende
35[regelnummer]
Eender vrauwe pleight wel te staene // dit /
noyndt man / en verveilde tghevoelen // naect
als hy vp tbuucxken int struucxken // wrochte
daer viereghe Lust in zulck vercoelen // slaect
5[regelnummer]
Een cort kinneken te maeten // dallende
es pryselick wier me te Brugghe // mallen
Twee corte hielkens / ter baeten // vallende
doen de meyskens / lichtelick ouer Rugghe // vallen
An vvelcker vrauwe dees achtien punten // blycken
10[regelnummer]
es weerdich van mannen ghepresen // Tzyne
maer zouder willen naer / boer oft clunten // kycken
Eensdeels zoud my deeren / end eensdeels wesen // pijne
Niet dat my by Afionsticheyt zoude // deeren
quaemt zulck ter ooren zulck vp my Ronssen // mochte
15[regelnummer]
maer huut vreesen dat hyder al zoude // weeren
en daerdeghe nichte Te zeere verslonssen // mochte
Princhelicke
Ruisteghe Venus scholieren // Reyn
Wat vruechden ter weerelt hoe Rasch gheschiet // zaen
20[regelnummer]
tbewandlen der velden / en der Roozieren // pleyn
En waeren gheen vrauwen / Ten waere al niet // waen
|
|