Eduard de Dene. Testament rhetoricael

Baertdraghers omme Venus gheliefuen
het Oncuussche wicht
huut myn verworpene Suckel Briefuen
ion ick hu dit ghedicht /

Ghy puppepareirders Al waert ghy de Bruudt
verwyfde ghetuut
veel voeren maeckende met hulieder Baerdt
Busiris baerdt altyds beclact was Ruudt
ende ghyncker langhe zoo mede gheiaert /
⁺⁺ Van Euanders baerdt mochtmen zyn vervaert
dats vp de eerde sleipte / zoo wasse Lanck
vcalegons knevelbaerdt / was van zulcker Aerdt
datse stack vul neten / vry ieghens zynen danck
Iopas baert / als een ghevlochten thuun Int bevanck
Mopsus wand den zynen driewaerf Rondsomme dhandt
Charon had een gheeten baert / oud versleten cranck
maer Entellus baert was vreimdcoluerich gheplant
ghespekelt^* en Rood / Bruun en wit / anden Cant
hoe schoone of playsant // ghy daer toe vyndt weten
omme die te doen groeyene int staen tryumphant
werct manlick vveist verwyft zoo niet in tverstandt
alle schoonheyts vermeten
van Adams moer vvord alle schoonicheyt GheEten
Byder doodt verbeten

+ 287 r

+ Fol. 287 r, r. 1, 3, 5-8 (namen), 16-19 onderstreept.

* ‘ghespekelt’: ‘k’ over ‘gh’.