Eduard de Dene. Testament rhetoricael

Epitaphium
Dheer Claeys Colue⁺

Gheboren menssche / vander vrauwe Leeft corten tydt
hier in eeuwegher strydt
ende wordt vervult met veel ketyfuicheden
⁺ Als een blomme bloeyt hy / wiens Iuecht sterflick ontglyd
als een vluchtende schaeuwe hy voor by Lydt
hebbende ter weerelt gheen blyfuende steden
niet dan hoy / zyn al onse vleeschlicke Leden
vvant nemmermeer en blyfuen wy in eennen staet
Steruen moeten wy al by natuerlicke zeden
als by cause van Adams onverhooricheyt quaet
dheer claeys colue gheboren huut een sterflick zaet
duer tsheeren mandaet

+ .21. nouembre .1557.

+ 159 r

[p. 21]

10

heeft dies der natueren schult oock moeten betalen

 

onser derthienen mebroeder elegant end ornaet

 

inder elocutien graet

 

Rhetoricael artiste matelick ten principalen

 

Tsdoods Pestifere strael heeft hem commen duerstralen

15

hem onslieden onthaelen

 

haest beRoouende tleuen / onvoorzien voorwaer

 

inden Center der eerden / heeft tvleesch moeten dalen

 

om gheestelick in Christo te verRysene claer

 

Broeders hy es vooren / ende wy volghen naer

20

steruen es den Loon der zonden / wier ieghens vreest

 

tjaer Lvij Eenentwyntich Nouembre^* openbaer

 

in dit eerdsche bezwaer

 

voortyds Raedt der brugscher sede / ghaf zynen gheest /

* ‘N’ van ‘Nouembre’ over een ‘o’ geschreven.