Eduard de Dene. Testament rhetoricael

[p. 20]

⁺ Epitaphium
Cornelis eueraerdt.⁺

TWy // ghy // die nv comt alhier ten beschauwe
Als vrienden ghetrauwe
ten graue / daer tvleesch light inder eerden beneden
van Cornelis eueraerdt / met druck ende Rauwe
Neen neen // die bewandelt noch deerdsche landauwe
man ende vrauwe //
ghetempert hu rauwe
Elck menssche / moet steruen by natuerlicke zeden
maer tes claeghlic / hy die was vul wetentheden
claer Reyn / Lustich Rhetoricael mineruiste
als vadre / met zyn consten es Ouerleden
die vpghequeect heeft / menich aerdich Artiste
Rhetorica veel spetien / hy zuver wiste
vry vranck van twiste
in morale spelen en goede floratien
den inghesturten gheest Liet niet ghaen te quiste
maer met neersteghen Liste
ghebruuct hy die alst pas ghaf in Recreatien
Eerde was hy / dies heeft eerdsche habitacien
als der woormen spyse
god gheue by zyne almachteghe gratien
als tsweerelts spatien
met vier verghaen zullen in Afgryse
Zyn ziele in Christo dan zaelich verRyse

+ 158 v

+ .14. nouembre. .1556.