Eduard de Dene. Testament rhetoricael

Derde liedeken
Ad dominum cum tribularer /
Psal. 119.
Vpden Voys En hebdy niet ghezien cornelis neue
die ghisteravendt vyf grooten verdranck /

Wanneer ick was in druck in Pijne
Riep Ic tot god gheel Rechtevoort
end heeft certeyn met blyden Aenschijne
Myn drouuich claeghen wel verhoort /

⁺ O Heere myn ziele wilt doch bevryden
Al vanden boose Lippen quaet
en van een tonghe Tot allen tyden
die niet dan boosheyt / huut en slaet /

Wat dynghe word hu ghegeuen heere
van eender tonghe Talder stondt
de ghuene die bedrieght doch zeere
en die de ziele quetst ende wondt

+ 104 v

[p. 202]

 

Ghemerct zou es als scherpe pylen

10

van een de ghuene die doet ghewelt

 

venynich vlieghende oock by wylen

 

daer by de paeyselicke zyn ghequelt

 

 

 

Eylaes eylaes eylaes ick mach wel claeghen

 

als ballynck myn herte / daer Ieghens stuent

15

dat hier verlanght worden myn daeghen

 

in cedars thenten zo heb ick ghewuendt

 

 

 

By hemlieden zy die benyden vrede

 

daer leefd ick zeere vreedzaemich by

 

end als ick thuerliedervvaerts tspreken dede

20

ziet zonder Cause bevochtenze my

 

 

 

Glorye zo moet god den vader wesen

 

end oock zyn zuene Christus bekent

 

den helighen gheest tsghelycx / naer desen

 

zoo die was / es / en blyft oock zonder hendt /