Eduard de Dene. Testament rhetoricael

Tvveede Liedeken
Dauids .32.^e psalme Exultate iusti in Domino /
Vpden Voys Tzoude een meysken ghaen om wyn
Tsnavents inde mane

Verhueghet inden heere hu
ghy Rechtueerdeghe Coene
vvant tbetaemt den vpRechten nv
die Louynghe te doene
End hem belydt // Ghebenedydt
met haerpen Int openbaeren
zynght hem een liedt // hem lofzanck biedt
vpden Psaltere van thien snaeren

Tsheeren woordt es Recht gheseyt
zyn wercken zyn ghetrauwe
hy bemindt bermherticheyt
end oordeel oock zeer nauwe
die eerde claer // es vul voorwaer
zynder bermherticheyt Reene
die hemelen zyn // duer zyn woord fyn
vastghemaect alleene /

⁺ Duer den gheest zijns monds ghedwee
huer crachten oock voortquamen
twater verghaerd hy inde zee
als In een flassche tsamen

+ 91 r

[p. 178]

5

die diepten snel // Besluut hy wel

 

vreest hem dies hoogst van weerden

 

wat Leuen voert // Tword al beroert

 

voor hem hier vpder eerden

 

 

 

Want hy sprack en tes gheschiet

10

zoo hyt al heeft begrepen

 

hy heeft gheboden / end huut Niet

 

es alle dynck gheschepen

 

Die heere goet // Te nieten doet

 

Raedt der heydensscher zede

15

oock hy versmaet // der mensschen Raedt

 

end oock der princhen mede

 

 

 

Maer tsheeren Raedt Reyn eeuvvich blyft

 

en zyns herten ghedachten

 

en voor tsweerelts beghin verstyft

20

van gheslachte tot gheslachten

 

zaelich voort an // es dat volck dan

 

wien god es toeghezworen

 

en wien dat hy // Eennen god zy

 

Erfuachtich zoo vercoren

 

 

25

Die heere neder heeft ghezien

 

huut zyn hemelsschen troone

 

kyndren der mensschen al mids dien

 

Anzach hy in persoone

 

end heeft ghestelt // in zyn bewelt

30

elcx herten Int verstercken

 

byzonderlick // Want wonderlick

 

verstaet hy al huer wercken

 

 

 

Een Conynck duer zyn groote macht

 

zal niet behouden wesen

35

noch duer zyn stercke vrome cracht

 

een Ruese bouen desen

 

end oock een peerdt // Bedrieglick deert /

 

⁺ dier vp betraut te zeere

 

maer tonser noodt // zaelicheyt groot

 

Comt ons van god den heere

 

 

 

Ziet tsheeren ooghe die ziet certeyn

5

vp die hem vreese tooghen

 

en ziet oock vp die hopen Reyn

 

vp zyn bermhertich ghedooghen

 

vp dat hy waen // haer zielen zaen

 

vander doodt mach bevryden

+ 91 v

[p. 179]

10

en voedese voort // met zyn claer woordt

 

Als zy den honghere lyden

 

 

 

Ons ziele verbeydt den heere vast

 

ons hulper oyndt ghebleuen

 

dies zal ons herte zonder last

15

in hem vroyelick Leuen

 

end hopen dies // met een verkies

 

in zyn helighe name

 

hu goetheyts duecht // zend in ons Iuecht

 

zo wy hopen bequame

 

 

20

Glorie zy end eeuwich danck

 

de vader tallen stonden

 

Christum zyn zuene die ons schanck

 

zyn doodt voor onse zonden

 

dhelighen gheest // in dit forreest

25

moet oock tsghelycx gheworden

 

Alsoo die was // vp tzelue pas

 

Eer ye beghinnen porden /