Eduard de Dene. Testament rhetoricael

⁺ Deerste Liedeken
Vpden Voys
Zo wie den keyser wilt dienen
zal hebben drie maenden solt

Ghedynct myn huutvercoren
die kerstene name draeght
hoe christus wierdt gheboren
van maria die zuuer maeght
// huer oetmoedt heeft god den heere behaeght
zyn gramschap es van ons verIaeght
dies tonser zalichede
voortbrochtse paeys en vrede

Den zondaers zaelich maecken
dat wilde christus goet
al onse onReyne zaecken
ghewasschen heeft in zyn bloedt
Als lam die tsweerelts zonden ofdoet
hy allen mensschen bystandt spoet
die vp hem vast betrauwen
Toevlucht in ons benauwen

Int hemelsch eerdsch omRynghen
weet hy wat daer gheschiet
wat wy wanen vulbrynghen
zonder hem mueghwy / doen niet
vvat duechdelicx te peynsene yet
en hebwy huut ons zeluen ziet
wy broosch zondeghe vaeten
wie zou dan Christum laeten

Met zyn bloedt ende wonden
als alder dierbaerste iuweel

+ 89 v

[p. 176]

 

heeft christus onse zonden

 

vp hem ghenomen gheheel

 

bestoormt en ghebroken thelsche casteel

 

de vaders ghebrocht in themelsch pryeel

 

⁺ daer wy oock al te zamen

 

Zyn / zijne meErfghenamen

 

 

 

Wildhyt doen tmoeste wesen

 

want hem niet onmueghelick zy

5

zyn ghenaede ghepresen

 

die blyft ons eeuwelick by

 

die dienlynghen waeren zyn worden vry

 

en duer zyn verdiensten een toeghanck wy

 

hebben nv allegadre

10

Tzynen hemelsschen vadre

 

 

 

Christus wild ons zoo vromen

 

huut een Liefmoedich beghin

 

Tsdoods cracht heeft hy benomen

 

gheen strael en esser meer in

15

dies mueghen belyden in onsen zin

 

Christus es myn leuen / en steruen ghewin

 

vvildhy ons dus verweeren

 

Nyemandt en mach ons deeren

 

 

 

Een menssche wildhy worden

20

met zyn bloedt heeft mensschen ghecocht

 

helle / zonde / Weerelt vertorden

 

heeft hy / ende tonderghebrocht

 

Tverloren schaepken heeft hy ghezocht

 

vp zyn schouders ghedreghen gheerne ghedocht

25

end hoe zondich verlaeden

 

Ghenomen in zyn ghenaeden

 

 

 

Elck wil hem nv vernieuwen

 

trect huut dyn zondich habyt

 

van die quaet zaet huut zieuwen

30

van dien hu wachtende zyt

 

Loft danct den heere ghebenedydt

 

keert themwaerts / ghy cryght gheteeckent Acquyt

 

zo mildelick vergheuen

 

van al hu zondich Leuen

 

 

35

In christo onsen heere

 

eenpaerlick vaste ghelooft

+ 90 r

[p. 177]

 

⁺ Al dhelssche crachten zeere

 

heeft hy almachtich Berooft

 

wy zyn zyn leden end hy ons hooft

 

vliedt elcken die hu van hem verdooft

5

want hoe gheveynsdelick scryfuen

 

Gods woordt zal eeuvvich blyfuen

 

 

 

Die dit liedeken stelde

 

tot duechden was hy flau

 

hoe hem de weerelt quelde

10

vp christus was zyn betrau

 

ooghemerck nemende ende Anschau

 

wie oyndt van zonden hadde beRau

 

hy wildese Mids^* desen

 

Niet meer ghedachtich vvesen

+ 90 v

* ‘Mids’: ‘M’ verbeterd uit ‘en’ of ‘an’.