Schema X.
Quanti damni quantique periculi sit, Occasionem neglexisse.
Diaboli, Golphus, Britto, Pontanus, Morinus, Oleander.
NOn, vt vos fertis, post est Occasio calva.
Ecce, capillatam obtendo: gaudete, tenete.
Ad barathrum, ad barathrum sic sic raptentur inertes.
O serò semper meliora sequentes!
Eheu me miserum, cui ver geniale iuuentae
Frugis inops abijt, Metanoeaqve sola remansit!
Quàm dolet insano sic indulsisse furori!
Parce Deus: tam vesani nos poenitet orsi.
Non est spes vlla salutis.
O genus infidum! Cùm nobis ocia dudum
Occineres, non has fundebas perfide voces.
Non fuerat praestanda fides: nam, fallere, nostrum est.
Sic gruibus pedicae tenduntur, retia ceruis.
Auteursrechtvrij