Oratio VIII.
Pro vera poenitentia, vitaeque emendatione.
DEus, qui culpa offenderis & poenitentia placaris, gratiae tuae lumen mentibus nostris infunde, atque occaecatum cor nostrum ad te conuerte; vt prioris vitae negligentias valeamus agnoscere, & per verae poenitentiae studium emendare: quatenus te solum Deum, omnis boni fontem, in donis tuis agnoscentes, cura maiori illis vti studeamus, & numquam de tua misericordia desperemus. Per Christum Dominum nostrum. Amen.
Auteursrechtvrij