Lot van wiisheyd ende goed geluck

[fol. A3v]

Reden des vvercks.

Godt heeft veel volck, vremdt van manieren,
Al van verscheyden aerdt en sin:
Dies weet hy die al te regieren,
Nu heet, nu koudt; nu meer, nu min.
Soo die der sielen soeckt ghewin,
En d'eere Godts meest te vermeeren,
Die voeght-hem al-sins, uijt ende in:
Om kleyn en groot, iet goedts te leeren.
By groote, ist noodt, hy treft ter eeren,
By andre, en oock by kinderen kleyn,
Kan hy ootmoedelijck hem keeren,
Als wesende teghelijck ghemeyn.
Leest dan dit boecksken, net en reyn:
Leert met ghenoeghte goede seden:
Kleyn saken somtijdts, als een greyn,
Brenghen ter hellen, oft t'eeuwer vreden.
Wilt dan de ionste wel besteden.

S.B. Aen-siet het eynde.