Het oudt Huysken van Bethleem
(1590)–Hendrik de Coster–
Auteursrechtvrijmet vele schoone leyssenen, lofsanghen ende andere geestelyke liedekens verciert, ter eere van den nieuwen gheboren Coninck onsen Salichmaker Christus Jesus
[pagina 145]
| |
Wilt hem Christus minnelijck gheuen.
Het vriesen, het sneeuwen is nv ghedaen
Den winter mach ons niet dwinghen
De oude we is al vergaen
Die liefde moet l volbrenghen
Die vast aen Christus liefde cleeft
Ende lief sijnen broeder heeft
Als hem seluen, na Paulus leeren
Die volbringt die Wet des Heeren.
Die voghelkens singhen int groene wout
So vrolijck ombedwonghen
Dan sijn die Enghelkens menichfout
Ende alle gheloouighe tonghen
Dese singhen glorie fijn
Moet Christus inden Hemel sijn
Pays Mannen ende Vrouwen
Die op sijn woort betrouwen.
Dese meyboom Christus so jeuchdelijck bloeyt
Met deuchden menigherhande,
Hy heeft ons metten dauwe bespoeyt
Sijn bloet tot eenen pande,
Compt alle die belast sijt ende slaeft
Tot my seyt hy, ghy wort ghelaeft
Ick sal v ontladen van sonden
Mijn jock is licht beuonden
Sijn Godlijck woort is een ghebloeyt rijs
Daer wy op moeten heeten
dWelck is gheseghelt na Gods aduijs
Met Christus bloedich sweeten
Hy heeft den helschen vyandt groot
Die sonde ende eewighe doot
Verwonnen ten eewighen daghen
Ende allen onsen last ghedraghen.
Compt ter Fonteynen die ouervloedich staet
| |
[pagina 146]
| |
Wilt van het water drincken
Dwelck tot in dat eewich leuen gaet
Christus wilt ons minlijck schincken
Want daer vloet wt Christus buyck
Leuende water tot onsen ghebruyck
Den heylighen Gheest eersaeme
Schenckt hy ons seer bequame
Ghelooft sy den eyboom victorieus
Die ons Godt schanc wt minnen
Wt den gheslachte Iuda coragieus
Een leeu niet om verwinnen
Christus den eewich groeyende mey
Die maeckt alle herten bly
Met sijnen gheeste ieuchdich
Die hem versoecken vreuchdich.
O prince Iesu meyboom ghebenedijt
Die daer staet seer soet van roken
Ontfanget ons in v armen wijt
Aent cruyce voor ons ontploken
Alleenlijck by uwer deucht
Door uwen geest ons herten verheucht
Soo worden wy deelachtich
In ws vaders rijck warachtich.
|
|