Het oudt Huysken van Bethleem

met vele schoone leyssenen, lofsanghen ende andere geestelyke liedekens verciert, ter eere van den nieuwen gheboren Coninck onsen Salichmaker Christus Jesus

[Ick sie die morghen sterre]

Dit liedeken gaet alst begint.

Ick sie die morghen sterre                        De Bruyt.
Heer Iesus claer aenschijn
Ick groet v al van verre
Met alder herten mijn.

Och wie mach ic daer hooren                     De bruydegom.

Maken so soete ghebaer
Het luydet in mijn ooren
Oft een gulde herpe waer.
O siel wildy my winnen
Ende my bekennen bat
Ende my daer mede ghewinnen
Ick ben uwer sielen schat.

Iesus lief vercoren                        De bruyt.

Mijn troost mijn toeuerlaet
Verleent my al te voren
Te volghen uwen raet.

Wildy by rade leuen                        De bruydegom.

So latet ws selfs raet

[p. 144]

 

Ende wilt al dat bengheuen

 

Daer uwen quaden sin toe staet.

 

Sijn dit die naeste weghen                        De bruyt.

 

So ben ick zeer veruaert

 

Natuer en wils niet pleghen

 

Het is haren rechten aert.

 

O siele slaet op v ooghen                        De bruydegom.

 

Siet aen mijn bitter pijn

 

Mijn edel bloet verdrooghen

 

Salt dus verloren sijn?

 

Wildy my niet begheuen                        De bruyt.

 

Iesus mijn gulden pont

 

So wil ick v al mijn leuen

 

Draghen in mijnen gront.

 

O siele soude ick v laten?                        De bruydegom.

 

Neen ick in gheender stont)

 

Ick en om uwer baten

 

Ter doot toe seer ghewont.

 

O Heer v bedruckte tranen                        De bruyt.

 

Gheeft my door v ootmoet,

 

Dat ick mits v vermanen

 

Verc rijghe dat eewich goet.

 

O siele ontfanckt die croone                    De bruydegom.

 

Mijn trou die gheue ick dy,

 

My sult ghy hebben te loone

 

En scheyt v niet van my.