Het oudt Huysken van Bethleem
(1590)–Hendrik de Coster–
Auteursrechtvrijmet vele schoone leyssenen, lofsanghen ende andere geestelyke liedekens verciert, ter eere van den nieuwen gheboren Coninck onsen Salichmaker Christus Jesus
Op de wijse. Den lustelijcken Mey is nv inden tijt.Hoort toe ghy sondaers alle ghemeyn
Wilt niet mistroostich wesen
Gaet al tot Christum dat edel greyn
Die mach onsen druck ghenesen
So ons die schriftuere wt leyt
Godt die is altijt bereyt
Te vergheuen onse misdaden
Christus spreeckt, compt alle die zijt beladen.
God heeft ons so lief dat hy ons bemindt
Esaias doet ons dat weten
Al waert dat een Moeder haer eyghen kindt
Soude moghen vergheten
Hy en vergheet ons nemmermeer,
Christus die almoghende Heer
| |
[pagina 129]
| |
Want wy ijn alle sijn graden
Christus spreeckt compt alle die zijt beladen
Magdalena die men die sondersse heet
Daer mochtmen wel aenschouwen
Ende van Zacheus niet en vergeet,
Daer hy maeltijt ginck houwen
Noyt sondaer en quam daer so groot
Die hy sijn jonste niet en boot,
Hy en thoonde hem sijn ghenaden
Christus spreeckt, compt alle die zijt beladen.
Hy is den wech als daer staet gheschreuen
Een Heer bouen alle Heeren
Die waerheyt is hy, ende oock dat leuen
Waer wilt ghy anders keeren
Hy is die dore die open staet
Daermen totten Vader gaet
Niemandt wil hy versmaden
Christus spreeckt, compt alle die zijt beladen.
Dus wilt betrouwen in God des vreden
Wilt sijn gheboden houwen
En wilt den buyten wech niet treden
So sult ghy zijn Rijck aenschouwen
Ende houdt altijt accoort
Ende sijn Goddelijck woort
Wilt treden na sijn paden
Christu spreeckt, compt alle die sijt beladen.
Godt worde voor ons aent Cruyce ghereckt
Met sijn ghebenedijde leden
Die Ioden hebben hem so zeer begeckt
Den Moordenaer heeft hem ghebeden
Met woorden seer soetelijck
Beloofde hy hem sijn eewich Rijck
Noch en quam hy niet te spade
Christus spreeckt, comt alle die sijt beladen.
| |
[pagina 130]
| |
O Princelijcke God inder eewicheyt
Roept, Heere compt ons te baten
Sijn armen heeft hy wijt wt ghespreyt
Hy en wil ons niet verlaten
Hy is eewich ghebenedijt
Peyst dit altijt wie dat ghy sijt
Ende wilt v wijsselijck beraden
Christus spreeckt, compt alle die sijt beladen.
|
|