Het oudt Huysken van Bethleem(1590)–Hendrik de Coster– Auteursrechtvrijmet vele schoone leyssenen, lofsanghen ende andere geestelyke liedekens verciert, ter eere van den nieuwen gheboren Coninck onsen Salichmaker Christus Jesus Vorige Volgende [pagina 115] [p. 115] Van den leeraer opder tinnen. Hoe luyde sanck die leeraer opder tinnen Soo wie met sonden is beswaert Godt laet hem wel verwinnen Ende keere zijn herte tot Godt waert Eer hem de doot den wech ondergaet Sy sijn wijs diet connen versinnen Och edel mensche denckt dat ghy moet steruen En maeckt ghy v niet van sonden quijt Godts rijcke moet ghy deruen Ghy hebt dicwils versuymt den tijt Ten sy door Gods ghenadicheyt Die helle moet v eruen. En dat verhoorde een iongelinc ionc am iaren Leeraer seyt hy doet my ghewach Hoe moochdy dus ghebaren? Ick sal noch leuen menighen dach Ende hebben blijschap als ick plach Daer nae met Godt varen. Die leeraer sprack, dat is seer hooge vermeten Waer sijn v ghesellen nv Die by v waren gheseten Sy hadden der iaren soo veel als ghy Waer sijn sy nv berechtes my Die wormen hebbense gheten. Die iongelinc sprac, men can my niet ontbringen Ick wil ghebruycken dat leuen mijn Met dansen ende springhen Sy moeten steruen di veyghe zijn Laet ons gaen drincken den coelen wijn Godt sal ons wel ghehinghen. Die leeraer sprac dit leuen en mach niet dueren Maer het verkeert soo menichsins In alsoo corten vren [pagina 116] [p. 116] Waerdy vanden sinne mijn (Want ghy my dinckt vol sonden zijn) Ghy en sout niet doen dan trueren. Die iongelinc sprac men can my niet ontraden Dat ick dese werelt soude scheyden van Ende leuen in versmaden Ick sal my beteren als ick can Der werelt vruecht, ende haer ghespan Die sijn die my versaden. Die leeraer sprack, ghy dunct my buyten keere Dat ghy der werelt vreuchden kiest Voor dat leuen van onsen Heere Siet dat ghy soo niet en riest Dat ghy dat rijcke Godts verliest Dat duren sal ymmermeere. Die iongelinc sprac, sal ic Godts rijcke deruen Soo claeg ick mijnder armer sielen misual Dat ick sal moeten steruen Ick hebbe ghemist den rechten pat Wat sal ick doen, berecht my dat Dat ick schouwe der hellen eruen. Die leeraer sprack wildy in deuchden rijsen Den rechten wech te Gode waert Wil ick v gaerne wijsen Daer nemmermeer en is verdriet Doet altoos wel en twijfelt niet Godt sal v siele spijsen. Die iongelinck sprack, sal ick sijn verloren Soo mach my wel rouwen dat leuen mijn Dat ick oyt was gheboren Ick wil gaen schouwen der hellen pijn Soo dat mijn arm siele mach sijn Hier naer met Gode vercoren. Die leeraer sprack, wildy v sonden bedincken [pagina 117] [p. 117] Ende leuen op Gods ghenadicheyt Sijn Rijcke sal hy v schincken Siet dat ghy v daer toe bereyt Oft neen ghy moet voorwaer gheseyt In die eewighe allende sincken. Die iongelinck sprack, die werelt wil ick laten En ick wil Gode dienen altijt In minnen en charitaten Ende draghen eenen grauwen rock Al waer ick al der werelt jock Ick hope het sal my baren. Die leeraer sprack. ghy segghet alte wale Doet dan der werelt sonden af Het brenghet v in die sale Daer alle Gods Enghelen singhen lof, Doet altoos wel, quijt v belof Ende schouwet der hellen quale. Die iongelinc sprac, die quale moet ic schouwen Ick wil Gode dienen altijt Die werelt wil ick verdouwen Ende maken my van sonden quijt Dat ick van Godt niet en hoore verwijt Ick duchte het soude my rouwen. Die leeraer sprack, ouerdencken wy onse sonden Ende dienen den Heere met herten deuoot Die doorsiet alle gronden Ende beteren ons met haesten groot Eer ons compt aen die bitter doot wy worden salich vonden. Vorige Volgende
Auteursrechtvrij