Het oudt Huysken van Bethleem

met vele schoone leyssenen, lofsanghen ende andere geestelyke liedekens verciert, ter eere van den nieuwen gheboren Coninck onsen Salichmaker Christus Jesus

Hier naer volgen veel schoon Gheestelijcke Liedekens ende Lofsanghen.

[p. 112]

Op de wijse. Met vruechden willen wy singen.

Ic wil my gaen vertroosten mijn in Iesus lijden soet
Al heuet gestaen ten boosen mijn het mocht noch werden goet
Al om mijn sondich leuen mijn ben ick met druc beuaen
Dat wil ick gaen begeuen mijn o Iesus siet my aen.

Mij suchten ende mijn kermen mijn siet aen ghenadich Godt

Eylaes wilt mijns ontfermen mijn al heb ick ghebodt
Versmaet tot meniger uren, ic wil my beteren gaen
Dit doet mijn hertet rueren mijn o Iesu siet my aen.

Den tijt heb ic verloren mijn die ghy my hebt v’leent

Na v en wilde ick niet hooren mijn in sonden was ick versteent
Seer traech ben ick tot deuchden mijn al heb ick goet vermaen
Oorspronck der eewigher vreuchden mijn o Iesu siet my aen.

Al ben ick vol van sonden mijn wilt mijns ghedachtich sijn

V deucht is sond’ gronden mijn die schulden sijn al mijn
Ic kent al ist seer spade mijn ende wilt my niet v’smaden
Aen v roep ick genade mijn o Iesu siet my aen.

Och laet my och armen mijn had ick te voren versint

So mocht ick in v armen mijn rusten als v kint
Om mijn groote misdaden mijn so mocht ic my v’slaen
Maer o vat vol alder genaden mijn o Iesu siet my aen

Maria Keyserinne mijn der sondaers toeuerlaet

Vercrijcht my ws Kintds minne mijn want my nv nauwe staet
O Maghet wilt my hooren mijn in mijnder noot bystaen

[p. 113]

 

Noch roep ickals te voren mijn o Iesu siet my aen.

 

O heylighen alle gader mijn staet my in noode by

 

Wilt bidden Godt den Vader mijn dat hy my ghenadich zy

 

Mijn roepen en wilt niet laten mijn tot dat ick ghenade ontfaen

 

Noch roep ic t’sal my baten mijn o Iesu siet my aen.