Het oudt Huysken van Bethleem

met vele schoone leyssenen, lofsanghen ende andere geestelyke liedekens verciert, ter eere van den nieuwen gheboren Coninck onsen Salichmaker Christus Jesus

Een schoon Leysen om het Kindeken Iesus te groeten

Op de voys, Het was een meysken jonck.

Ick wil inden gheest naer Bethleem gaen
Ende spreken dat zoete Kindeken aen,
Met deser groeten tot alder tijt.
Ick groet v zoete Kindeken schoone,
Ghy zyt ghecomen wt svaders troone
In Maria ghebenedijt.

Ick groet v lieffelijc Kindeken cleyne

Gheschapen van smaegdekens bloede reyne
Door die cracht des heylichs gheests.

Ick groet v Kindeken inder crebben

Mocht ick v in mijn herteken hebben,
Dat is de plaetse die ghy begeert.

Ick groete v suyuer Kint ghepresen,

Die ons altesamen hebt ghenesen
Doort storten van v heylich bloet.

Ick groet v Kint vol caritaten,

Om v wil ick de werelt laten,
En steruen alle smuelijcheyt.

Ick groet v Kindeken cleyn besneden

Doet my mijn hoouerdije vertreden
Met een diepe ootmoedicheyt.

Ick groet v woort des Vaders verheuen

Door wiens Maiesteyt dat d’Enghelen beuen
En singhen Sanctus tot alder tijt.

Ick groet v Kindeken groot van machten,

[p. 74]

 

Ghy hebt verwonnen des vyants crachten

 

Die doot, die helle, de werelt me.

 

Ick groet v Kindeken ionck van daghen

 

Wilt v wt mijnder herten iaeghen

 

Alle dat v Heere mishaecht.