Het oudt Huysken van Bethleem(1590)–Hendrik de Coster– Auteursrechtvrijmet vele schoone leyssenen, lofsanghen ende andere geestelyke liedekens verciert, ter eere van den nieuwen gheboren Coninck onsen Salichmaker Christus Jesus Vorige Volgende Een nieu leysen Een Maechdeken wtuercoren Vol deuchden onbesmet In Iudeen was zy gheboren Ioseph die was haer trauwe Maria die suijuer vrauwe Sy woonde tot Nazareth. Ghesonden was hy van Godt Die Enghel Gabriel Totter Maghet als een bode Om te doen des vaders beuel Hy boot haer doen die groete Met woordekens also soete Voor ons dede hy die bootschap wel. En wilt v niet versaghen Sprac die Enghel der Maghet an Ghy sult een Kindeken draghen En daer sien groot wonder an Maria sprack met desen Hoe soude dat moghen wesen Ick en kende noyt gheenen man. Ghy sult een vrucht voort bringhen Reyn Maechdelijck ingien Gods cracht sal v omringhen Maria die sprack met dien Naer uwen woorden reene Siet hier Gods deerne cleene Na v woorden moet my gheschien In een huys te Bethleem binnen [pagina 75] [p. 75] Baerde sy die suyuer dracht Dies wy met vreuchden singhen Die herders met grooter cracht Sy vonden daer in weene Gheboren een Kindeken cleene In alsoo langhe coude nacht. Al naer der Iootscher zeden Schriftuere doet ons ghewach Soo was dat Kidt besneden Al op den achtsten dach Iesus was sijnen name Tot onser alder vrame Hy is die ons behouden mach. By claerheyt eender sterre Vergaderde dry Coninghen stout Sy brochten den Kinde van verre Myrre, wieroock, ende gout Vriendelijck dat zijt aenbaden Dat quam hem allen te staden Dies sy verheuchden menichfout Simeon dat Kint aensiende Sij siele was verblijt Herodes dat bespiende Maria heuet beurijt Al na der offerhande Track sy in Egypten lande Met haren sone ghebenedijt. Dies moghen wy wel louen Der suyuer maghet Marye Dat sy Godt van hier bouen Bidde dat hy ons bevrye Dat wy na dese iaren Met die Engelsche scharen Moghen hebben hemelsche melodye. Amen. Vorige Volgende
Auteursrechtvrij