Schole der deughden
(1630)–D.V. Coornhert–
AuteursrechtvrijA.SChrijft ghy dit menschelijck vermoghen niet te veel toe? | |
B.Schrijf ick's meer toe dan daer inne is, ende Godt den mensche ghegheven heeft? | |
A.Dat hoor ick noch niet. | |
B.So schrijf ick's noch niet te veel toe, maer oft d'ander den mensche paerden ende muylen die men breydelen, jae stocken oft blocken diemen sleppen moet ghelijckmackende den mensche niet min toe en schrijven dan Godt, dien heeft ghegheven, laet ick hen-lieden bedencken. Ghy bekent ymmers dat de reedelijckheyy des menschen moghelijckheydt heeft om dit teghen dat te over-weghen ende uyt twee bekende Waerheden (rechts als de toe-comst uyt twee bekende getalen) eenen derden onbekenden te sluyten. | |
A.Die dat ontkent is self onredelijck. | |
B.Men moet oock kennen dat Godt den mensche dit pondeken des redelijckheyts gegeven heeft om te ghebruycken tot ghewinne. | |
A.Men moet. | |
B.Soo mach oock de mensche bevoelende 'tonghemack van zijn blindelijck swerven sich bedarende, dencken dat hem 'tooge de redelijckheyts verleent is om voor sich ziende in't licht sich te voorhoeden van vallen ende quetsen, d'ogen te openen, ende d'oorsaken zijns vallens te vermijden, doet hy dan den ooghen open soo zijn sy des lichts ontfanckelijck, d'welck de besloten oogen niet en sijn. | |
A.Naer u segghen soude sich de mensche uyt sich selfs vermoghen der ghenaden Godes ontfanckelijck connen maecken. | |
B.Hy mach immers door 'tsluyten der ooghen maken dat hy der ghenaden niet ontfanckelijck is: waerom niet dat ander? Ga naar voetnoot+ | |
A.Dit houden sy voor een groote veranderinghe vande Goddelijcke eere. | |
B.So mogen sy oock segghen dat Godes geest selve Gode lastert, na dien door-gaens inde H. Schrift sulck vermoghen den mensche tot duysent plaetsen toe-schrijft, met die woordkens willen ende niet willen ende dergelijcke ende met clare ontijfelijcke woorden, Ga naar voetnoot+ daer God selve lang na Adams overtredinge 'tgantsche volck Israels voor-stelt het leven ende 'tgoede oock den doodt ende 'tquade, met keure oock, jae met ghebodt om 'tleven te nemen, merckt het wel of qualijck gebruycken van dat pondeken heeft is Godes ghenadigh werck, die den mensch daer met heeft ghedeelt, alsoo en gheschiet dit noch gheensins sonder Gode, maer oock niet sonder den mensche. |