Dat Godes Eere niet ghelegen is in’t verderven der menschen.
Dat 4. Capittel.
1 SOo is dan uyt het voorseyde ongelooflijck, dat die lieve Schepper eenighen, mensch ten verderven scheppen, oock sijn Eere daer inne soecken soude, behalven noch meer andere klare ghetuyghenissen der Godlijck, dat Godes eere niet en is gheleghen in’t a verderven, maer int b genesen, int c helpen, ende int d salighmaken der menschen.
a Niet int verderven.
Die dooden, Heere, en sullen u niet prijsen,Ga naar margenoot+ nochte oock niet alle die inder Hellen nederdalen. Numer.14.13. Exod.3. 2.12 Genes.49,6. Iosue 7.9. Isai.38.18.
b Maer int ghenesen.
Ende hy (de gichtighe) stont op, ende ginckGa naar margenoot+ in zijn huys. Die scharen dit siende, vreesden ende presen Gode, Marc.2.12. Luc.7.15.16. etc.
c Int helpen.
Roept my aen in den dach uwer tribulatien,Ga naar margenoot+ Ick sal u helpen, ende ghy sult my eeren, Ioan.14, 13, 4. Reg.19.9. Isai.48.9. Ierem.20.13.
d Int Saligh maken.
Want die Heere heeft Iacob verlost, ende hy heeft hem bevrijdt vande handt des moghende, ende sy sullen komen ende hem prijsen op den berghe des Heeren, Acto.11.13. Isai.61,2,3,4,2.
Auteursrechtvrij