Cirurgia of Hantgewerck int lichame der menschen

94. Van dat ijemant dat kanebeen³ is vuijten leden.

Dat seet Auicenna dat alleene is inden mensche ende nijet in andren dieren om dattet die borst wijt soude maken ende met lichten beroeren, met drustiger beroeringe noch vreese, dan het continueert metter borst. Ende met verstellinge oft vallinge oft dies gelijcx, soo gaet vuyter stede. Dan soo bindict sterkelijke ende heffent in sijne stede. Ende metter hant duwende ende peluwent ende bindet

3 kanebeen : het Hs. heeft kakebeen.

[p. 65]

oft gebroken ware. Ende als (s)ij verscheeden sijn, dat sij vergaderen die vorke ende die schoudere ende die c(r)oselige beenen. Ende is verporret verscheijden, so ist merkende nijet ouerscheijn dattet houet vanden arme schenkel is verscheijden van sijnre stede.

Thoouet vander vorken is hol daer omme en moetmen die hant nijet daer in doen om te heffene metter schouderen, want het soude beletten die restauracie¹ ende die vergaderinge.

1 restauracie : het Hs. heeft restrauacie.