Cirurgia of Hantgewerck int lichame der menschen

93. Wat salmen doen als die knopen oft spondilen des ruggebeens sijn² vuijt den leden?

(p. 120)

Die ouerste knopinge is vergadert metten hoofde ende wordt lichtelijc ontset ende dan soo wort belet den adem ende dat heet den hals gebroken. Om dat men haestelijc sterft, op datter geene meester en is die haestelijc sijnen voet oft sijne knie set op die schoudere ende trect dat hooft met crachte.

Daer na die achterste cnoop is gebonden metten rugge, ende die ontset noch lichtelijker, ende die ontsettinge beneempt die spijse te leijdene in de mage vander spondilen nederwaert:w(o)rden daer eenige ontset, soo verliesen die nederste leden haren sin ende haer beroeren, twelke quam van micha. Dese cure is herde quaet te doene, daeromme soo laet ic die leeraers souken in leere der ouder boeken.

2 sijn : het Hs. heeft is.